സ​ർ​വ​ക​ലാ​ശാ​ല ഭ​ര​ണ​ത്തി​ൽ ഇ​ട​പെ​ടാൻ ഗ​വ​ർ​ണ​റുടെ നീക്കം; 17ന്‌ വിസിമാരുമായി യോഗം

തി​രു​വ​ന​ന്ത​പു​രം: സർവകലാശാല ഭ​ര​ണ​ത്തി​ൽ നേ​രി​ട്ട് ഇടപെടാനുള്ള നീക്കവുമായി ഗവർണർ രാ​ജേ​ന്ദ്ര വിശ്വനാഥ്‌ ആ​ർ​ലേ​ക്ക​ർ. അ​ധ്യാ​പ​ക നി​യ​മ​ന​ങ്ങ​ൾ ഉൾ​പ്പെ​ടെ ച​ർ​ച്ചചെ​യ്യാ​ൻ ഗ​വ​ർ​ണ​ർ വിസി​മാ​രു​ടെ യോ​ഗം വി​ളി​ച്ചു. 17 നാണ്‌ യോഗം.

സർവകലാശാലയുമായി ബന്ധപ്പെട്ട കോടതിവിധികളിൽ തുടർച്ചയായ നേരിട്ട തിരിച്ചടികളുടെ ക്ഷീണം മാറ്റാൻ സ​ർ​വ​ക​ലാ​ശാ​ല ഭ​ര​ണ​ത്തി​ൽ പിടിമുറുക്കുകയാണ്‌ ലക്ഷ്യമെന്ന്‌ കരുതുന്നു. അ​ധ്യാ​പ​ക നി​യ​മ​നം, അ​ക്കാ​ദ​മി​ക്​ ക​ല​ണ്ട​ർ തയ്യാ​റാ​ക്ക​ൽ, പ​രീ​ക്ഷാ സ​മ​യ​ക്ര​മം, ഉ​ന്ന​ത വി​ദ്യാ​ഭ്യാ​സ മേ​ഖ​ല​യി​ലെ നി​ല​വാ​രം നി​ല​നി​ർ​ത്താ​ൻ സ്വീ​ക​രി​ച്ച ന​ട​പ​ടി​ക​ൾ, വി​ദ്യാ​ർ​ഥി സ​മൂ​ഹം നേ​രി​ടു​ന്ന പ്ര​ശ്ന​ങ്ങ​ൾ, പ​രി​ഹാ​ര ന​ട​പ​ടി​ക​ൾ എ​ന്നി​വ​യാ​ണ്​ വിസി​മാ​ർ​ക്കു​ള്ള ക​ത്തി​ൽ അ​ജ​ൻഡ​യാ​യി സൂ​ചി​പ്പി​ച്ചിട്ടുള്ള​ത്.

സം​സ്ഥാ​ന സ​ർ​ക്കാ​ർ നി​യ​മ​പ്ര​കാ​രം രൂ​പീക​രി​ക്കു​ക​യും ഗ്രാ​ന്റ്‌ ന​ൽ​കു​ക​യും ചെ​യ്യു​ന്ന സ​ർ​വ​ക​ലാ​ശാ​ല​ക​ളി​ൽ ഗ​വ​ർ​ണ​റെ മുൻനി​ർ​ത്തി​ ഇടപെടാനുള്ള സംഘപരിവാർ നീക്കത്തിന്റെ ഭാഗമാണ്‌ ഇതെന്ന്‌ കരുതുന്നു. കഴിഞ്ഞദിവസം കേരള സർവകലാശാല സെനറ്റിലേക്കും ഫാക്കൽറ്റി ഡീൻ പദവിയിലേക്കും ബിജെപി നോമിനികളെ ഗവർണർ നാമനിർദേശം ചെയ്‌തിരുന്നു.