സ്കൂൾ സമയക്രമത്തിൽ മാറ്റം; ഹൈസ്കൂളുകളിൽ അരമണിക്കൂർ അധികം പഠനം

തിരുവനന്തപുരം: സംസ്ഥാനത്തെ എട്ട് മുതൽ പത്ത് വരെയുള്ള ക്ലാസുകളുടെ സമയക്രമത്തിൽ മാറ്റവുമായി പൊതുവിദ്യാഭ്യാസ വകുപ്പ് ഉത്തരവ്. ഹൈസ്കൂൾ വിഭാ​ഗത്തിലെ പുതുക്കിയ സമയംപ്രകാരം 9.45 മുതൽ 4.15 വരെയാണ് പ്രവർത്തനം. ഇതോടെ വെള്ളിയാഴ്ച ഒഴികെ എല്ലാ ദിവസവും പ്രവൃത്തി സമയത്തിൽ അരമണിക്കൂറിന്റെ വർധനയുണ്ടാകും. സർക്കാർ, എയ്ഡഡ്, അം​ഗീകൃത അൺഎയ്ഡഡ് സ്ഥാപനങ്ങൾക്ക് പുതിയ സമയക്രമം ബാധകമാകും.

യുപി വിഭാ​ഗത്തിന് ആഴ്ചയിൽ ആറ് പ്രവൃത്തിദിനം തുടർച്ചയായി വരാത്ത രണ്ട് ശനിയാഴ്ചകളും, ഹൈസ്കൂൾ വിഭാ​ഗത്തിന് ആഴ്ചയിൽ ആറ് പ്രവൃത്തിദിനം തുടർച്ചയായി വരാത്ത ആറ് ശനിയാഴ്ചകളും പ്രവൃത്തിദിനമായിരിക്കും. ഒന്നുമുതൽ നാലുവരെ ക്ലാസുകാർക്ക് ഈ അധ്യയന വർഷം അധിക പ്രവൃത്തിദിനങ്ങൾ ഇല്ല.