ആ​ഗോളവ്യാപകമായി പണിമുടക്കി ചാറ്റ്ജിപിടി

സാൻഫ്രാൻസിസ്കോ : ആ​ഗോള വ്യാപകമായി പണിമുടക്കി ഓപ്പൺ എഐയുടെ ചാറ്റ്ബോട്ടായ ചാറ്റ്ജിപിടി. ഓപ്പൺ എഐയുടെ എപിഐ സർവീസും നിശ്ചലമായി. നിരവധി ഉപയോക്താക്കളാണ് പരാതിയുമായി രം​ഗത്തെത്തിയത്. 37,00ത്തോളം പരാതികൾ റിപ്പോർട്ട് ചെയ്യപ്പെട്ടതായി മാധ്യമങ്ങൾ റിപ്പോർട്ട് ചെയ്തു.

സോഷ്യൽമീഡിയയിലും നിരവധി പേർ ഓപ്പൺഎഐയ്ക്കെതിരെ രം​ഗത്തെത്തി. ഓപ്പൺ എഐയുടെ സേവനങ്ങൾ ഉപയോഗിക്കുന്ന വൻകിട കമ്പനികളേയും തകരാർ ബാധിച്ചിട്ടുണ്ട്. ബാഡ്‌ഗേറ്റ് വേ എന്ന മറുപടിയാണ് ചാറ്റ്ജിപിടി ഉപയോ​ഗിക്കാൻ ശ്രമിച്ചവർക്ക് ലഭിച്ചത്. വിഷയത്തിൽ ഓപ്പൺഎഐ പ്രതികരണവുമായെത്തി. എന്നാൽ തകരാറിന്റെ കാരണം വ്യക്തമാക്കിയിട്ടില്ല.