ഏഷ്യാ കപ്പ്​ ബാസ്​കറ്റ്​ ; പ്രണവും 
വൈശാഖും ഇന്ത്യൻ ടീമിൽ

കോഴിക്കോട്​​

ജിദ്ദയിൽ നാളെ തുടങ്ങുന്ന ഫിബ ഏഷ്യാ കപ്പ്​ ബാസ്​കറ്റ്​ബോൾ ചാമ്പ്യൻഷിപ്പിനുള്ള ഇന്ത്യൻ പുരുഷ ടീമിൽ രണ്ട്​ മലയാളികൾ. പ്രണവ് പ്രിൻസും വൈശാഖ് കെ മനോജുമാണ്​ കേരളത്തിന്റെ പ്രതിനിധികൾ. അമേരിക്കക്കാരനായ സ്​കോട്ട് ഫ്ലെമിങ് പരിശീലിപ്പിക്കുന്ന ഇന്ത്യൻ ടീമിന്റെ ഏഷ്യൻ റാങ്ക് 15ആണ്. ​ ഗ്രൂപ്പിൽ നേരിടാനുള്ളത്​ ഉയർന്ന റാങ്കുള്ള ടീമുകളെയാണ്​. ചൊവ്വാഴ്​ച എട്ടാം റാങ്കുള്ള ജോർദാനാണ്​ എതിരാളി. ആറാം റാങ്കുകാരായ ചൈനയെ വ്യാഴാഴ്​ച നേരിടും. ശനിയാഴ്​ച അവസാന മത്സരം കസാഖ്സ്ഥാനുമായാണ്​.