സുബ്രതോ ഫുട്ബോൾ ; അവിട്ടത്തൂർ 
സ്​കൂൾ ജേതാക്കൾ

ശ്രീകൃഷ്ണപുരം (പാലക്കാട്​)

​അണ്ടർ 17 പെൺകുട്ടികളുടെ സുബ്രതോ മുഖർജി സംസ്ഥാന ഫുട്​ബോൾ ടൂർണമെന്റിൽ തൃശൂർ അവിട്ടത്തൂർ എൽബിഎസ്എം എച്ച്എസ്എസ് ജേതാക്കളായി. ഫൈനലിൽ തൃശൂർ ആളൂർ എസ്എൻവി എച്ച്എസ്എസിനെ ടൈബ്രേക്കറിൽ 4- –3ന്​ പരാജയപ്പെടുത്തി.

ലൂസേഴ്‌സ് ഫൈനലിൽ എറണാകുളം എസ്‌ആർവിജിഎം എച്ച്എസ്‌എസിനെ രണ്ട് ഗോളിന് പരാജയപ്പെടുത്തി കണ്ണൂർ ജിവിഎച്ച്എസ്‌എസ്‌ മൂന്നാംസ്ഥാനം നേടി. ​

മികച്ച കളിക്കാരിയായി പി എസ്‌ വർഷയും (ആളൂർ സ്​കൂൾ) ഗോൾ കീപ്പറായി അൽശിഖ രാമചന്ദ്രനും (അവിട്ടത്തൂർ സ്​കൂൾ), വാഗ്​ദാന​താരമായി നേഹ സജിയും (കണ്ണൂർ ജിവിഎച്ച്എസ്‌എസ്‌) തെരഞ്ഞെടുക്കപ്പെട്ടു. കെ പ്രേംകുമാർ എംഎൽഎ ട്രോഫി സമ്മാനിച്ചു.