കിരീട പ്രതീക്ഷകൾ മങ്ങി; സൗദി പ്രോ ലീഗിൽ അൽ നസറിന് തോൽവി

റിയാദ് > സൗ​ദി പ്രോ ലീ​ഗിൽ ക്രിസ്റ്റ്യാനോയ്ക്കും സംഘത്തിനും തോൽവി. കരുത്തരായ അൽ എത്തിഹാദിനോടാണ് അൻ നസർ 2-1 ന് തോറ്റത്. തോൽ‌വിയോടെ ലീ​ഗിൽ ടീമിന്റെ കിരീട പ്രതീക്ഷകൾക്കും മങ്ങലേറ്റു. ക്രിസ്റ്റ്യാനോ റൊണാൾഡോയാണ് നസറിന്റെ ​ഗോൾ നേടിയത്. എത്തിഹാദിനായി ഫ്രഞ്ച് താരം കരീം ബെൻസെമയും വല കുലുക്കി.

ജിദ്ദയിലെ കിങ് അബ്ദുല്ല സ്പോർട്സ് സിറ്റിയിൽ നടന്ന മത്സരത്തിൽ ഇഞ്ചുറി ടൈമിൽ ഡച്ച് താരം സ്റ്റീവൻ ബെർഗ്വിനാണ് ഇത്തിഹാദിൻറെ വിജയഗോൾ നേടിയത്. ജയത്തോടെ ലീ​ഗിൽ ഒന്നാമതുള്ള എത്തിഹാദ് ലീഡ് അഞ്ചുപോയിന്റായി ഉയർത്തി. നെയ്മറിന്റെ അൽ ഹിലാലാണ് രണ്ടാം സ്ഥാനത്ത്.