ഈന്തപ്പന - മരുഭൂമിയുടെ ജീവവൃക്ഷം" പുസ്തകം പ്രകാശനം ചെയ്തു

ഷാർജ > എം ഒ രഘുനാഥിന്റെ "ഈന്തപ്പന - മരുഭൂമിയുടെ ജീവവൃക്ഷം" എന്ന പുസ്തകം  പ്രകാശനം ചെയ്തു.  ഷാർജ ഇന്ത്യൻ അസോസിയേഷൻ കോൺഫറൻസ് ഹാളിൽ സംഘടിപ്പിച്ച ചടങ്ങിൽ ഷാർജ കൾച്ചറൽ ഡിപ്പാർട്ട്മെന്റ് റിസർച്ച് വിഭാഗം തലവൻ ഡോ. ഒമർ അബ്ദുൽ അസിസ്,  പരിസ്ഥിതി- ജല മന്ത്രാലയ വകുപ്പിലെ അണ്ടർ സെക്രട്ടറിയായിരുന്ന ഹെർ ഹൈനസസ് ഡോ. മറിയം അൽ ഷിനാസിക്ക് നൽകിയാണ് പ്രകാശനം ചെയ്തത്.

ഇന്ത്യൻ അസോസിയേഷൻ സാഹിത്യവിഭാഗവും പ്രസാധന രംഗത്തെ പെൺകൂട്ടായ്മയായ സമതയും സംയുക്തമായി സംഘടിപ്പിച്ച പരിപാടിയിൽ  സമത ബുക്സ് മാനേജിങ്ങ് ട്രസ്റ്റി ടി എ ഉഷാകുമാരി, എഴുത്തുകാരൻ എം ഒ രഘുനാഥ്, എഴുത്തുകാരൻ ഇ എം അഷ്‌റഫ്, ഷാർജ ഇന്ത്യൻ അസോസിയേഷൻ സെക്രട്ടറി ശ്രീപ്രകാശ്, ട്രഷറർ ഷാജി ജോൺ, പി. മോഹനൻ, യുസഫ് സഗീർ, അബ്ദു ശിവപുരം, അലൈൻ ഇന്ത്യൻ സോഷ്യൽ സെന്റർ മുൻ പ്രസിഡന്റ് മുബാറക് മുസ്‌തഫ എന്നിവർ സംസാരിച്ചു. രാധാകൃഷ്ണൻ മച്ചിങ്ങൽ പുസ്തകം പരിചയപ്പെടുത്തി.