ഗാസയിൽ നിന്ന് പലസ്തീനികളെ മാറ്റിപ്പാർപ്പിക്കാനുള്ള ശ്രമം വീണ്ടും നിരസിച്ച്‌ യുഎഇ

ദുബായ് : 2025 ഫെബ്രുവരി 19 ന് അബുദാബിയിലെ ആഡ്‌നിക് സെന്ററിൽ വെച്ച് യുഎഇ പ്രസിഡന്റ്‌ ഷെയ്ഖ് മുഹമ്മദുമായി യുഎസ് സ്റ്റേറ്റ് സെക്രട്ടറി മാർക്കോ റൂബിയോ കൂടിക്കാഴ്ച നടത്തി.

പലസ്തീനികളെ അവരുടെ ഭൂമിയിൽ നിന്ന് കുടിയിറക്കാൻ ലക്ഷ്യമിട്ടുള്ള ഏതൊരു ശ്രമവും നിരസിച്ചുകൊണ്ട് എമിറേറ്റ്‌സിന്റെ ഉറച്ച നിലപാട് യുഎഇ പ്രസിഡന്റ്‌ ഷെയ്ഖ് മുഹമ്മദ് ആവർത്തിച്ചു. ഇരു രാജ്യങ്ങളും തമ്മിലുള്ള സഹകരണത്തെക്കുറിച്ചും അവരുടെ സംയുക്ത താൽപ്പര്യങ്ങൾക്കായി വിവിധ മേഖലകളിലെ ബന്ധം കൂടുതൽ മെച്ചപ്പെടുത്തുന്നതിനുള്ള വഴികളെക്കുറിച്ചും നേതാക്കൾ ചർച്ച ചെയ്തു.