കേളി നസീം ഏരിയ ഏഴാമത് സമ്മേളന ലോഗോ പ്രകാശനം ചെയ്‌തു

റിയാദ് : കേളി കലാ സാംസ്കാരിക വേദിയുടെ പന്ത്രണ്ടാം കേളി കേന്ദ്ര സമ്മേളനത്തിന്റെ മുന്നോടിയായി നസീം ഏരിയ ഏഴാമത് ഏരിയ സമ്മേളനം സെപ്തംബർ 12 വെള്ളിയാഴ്ച സഖാവ് സീതറാം യെച്ചൂരി നഗറിൽ വച്ച് നടക്കുകയാണ്. സംഘാടക സമിതി ചെയർമാൻ സഖാവ് ഹാരിസിന്റെ അധ്യക്ഷതയിൽ ചേർന്ന ലോഗോ പ്രകാശന ചടങ്ങ് കേളി പ്രസിഡന്റും രക്ഷാധികാരി കമ്മറ്റിയംഗവുമായ സെബിൻ ഇഖ്ബാൽ ഉദ്ഘാടനം ചെയ്തു. സംഘടക സമിതി കൺവീനർ നൗഫൽ മുതിരമണ്ണ ഏരിയ സെക്രട്ടറിയും കേന്ദ്ര കമ്മറ്റി അംഗവുമായ സജീവന് കൈമാറി ലോഗോ പ്രകാശനം ചെയ്തു.

നസീം ഏരിയ രക്ഷാധികാരി കൺവീനർ ജോഷി പെരിഞ്ഞനം, കേന്ദ്ര കമ്മറ്റി അംഗങ്ങളായ ഹാരിസ്, സജീവ് ഏരിയ കമ്മറ്റി അംഗം സഫറുദീൻ, ഉല്ലാസൻ, വിനോദ്‌കുമാർ, ഗിരീഷ്‌കുമാർ തുടങ്ങിയവർ ചടങ്ങിൽ അഭിവാദ്യം ചെയ്ത് സംസാരിച്ചു. സംഘടക സമിതി കൺവീനർ നൗഫൽ മുതിരമണ്ണ സ്വാഗതവും ഏരിയ കമ്മറ്റി അംഗം സിദ്ദിഖ് നന്ദിയും പറഞ്ഞു.