നമുക്ക് വീണ്ടും ജയിക്കാം ; മുന്നേറാം കേവലദാരിദ്ര്യമുക്ത കേരളത്തിലേക്ക്‌

വെബ് ഡെസ്ക്

Published on Dec 09, 2025, 03:15 AM | 1 min read

തുടർഭരണം സമ്മാനിച്ച നന്മകൾ ഹൃദയത്തിലേറ്റിയാണ്‌ കേരളം തദ്ദേശ തെരഞ്ഞെടുപ്പിൽ വിധിയെഴുതാൻ പോളിങ്‌ബൂത്തിലെത്തുന്നത്‌. കോവിഡും നിപായും പ്രളയവും ഉരുൾപൊട്ടലും തകർത്തെറിയുമായിരുന്ന നാടിനെ ഉലയാതെ കാത്തുരക്ഷിച്ച എൽഡിഎഫ്‌ ഭരണം അതിശയകരമായ വികസനത്തിലേക്കാണ്‌ കേരളത്തെ നയിച്ചത്‌.

ജനക്ഷേമത്തിൽ പ്രതിബദ്ധതയോടെ പ്രവർത്തിക്കുന്ന സർക്കാർ ക്ഷേമപെൻഷൻ മുതൽ ഉന്നതപഠനത്തിനുള്ള ധനസഹായംവരെ ഉറപ്പാക്കി. പവർകട്ടോ ലോഡ്‌ഷെഡ്ഡിങ്ങോ ഇല്ലാത്ത പത്തുവർഷമായിരുന്നു മലയാളിക്ക്‌ എൽഡിഎഫ്‌ ഭരണം. അസാധ്യമെന്നുകരുതി യുഡിഎഫ്‌ എഴുതിത്തള്ളിയ നിരവധി പദ്ധതികൾ ഇന്ന്‌ യാഥാർഥ്യമായി കൺമുന്നിലുണ്ട്‌.

ldf

പലമേഖലകളിലും മാനുഷിക വികസന സൂചികകളിൽ വികസിതരാജ്യങ്ങളെ പിന്തള്ളുന്ന വിസ്‌മയകരമായ നേട്ടം കേരളം സ്വന്തമാക്കി. നാടിന്റെ നന്മയും സുഭദ്രമായ ഭാവിയും ജനക്ഷേമവും ഉറപ്പാക്കുന്നതിന്‌ എൽഡിഎഫ്‌ തുടരണമെന്ന അഭിപ്രായം കക്ഷിരാഷ്‌ട്രീയ ഭേദമന്യേ പൊതുസമൂഹത്തിൽ പ്രകടമാണ്‌. ജനക്ഷേമപ്രവർത്തനങ്ങളും നാടിന്റെ വികസനവും ചർച്ചാവിഷയമായപ്പോൾ യുഡിഎഫിനും ബിജെപിക്കും പ്രതിരോധിക്കാൻ ഒന്നുമുണ്ടായിരുന്നില്ല. വിവാദങ്ങളും കോലാഹലവുമുണ്ടാക്കി നാടിന്റെ നന്മകൾക്ക്‌ തുരങ്കംവയ്‌ക്കുന്ന ശക്തികൾക്കെതിരായ വിധിയെഴുത്താകും തദ്ദേശ തെരഞ്ഞെടുപ്പിൽ ഉണ്ടാവുകയെന്ന്‌ ഉറപ്പ്‌.

ldf