സിബിഎസ്ഇ 
ഫുട്ബോൾ 
ടൂർണമെന്റ്‌ 
സമാപിച്ചു

ചെറുതുരുത്തി

ആറ്റൂർ അറഫ ഇംഗ്ലീഷ് സ്കൂളിൽ നടന്ന സിബിഎസ്ഇ സംസ്ഥാന തല ഫുട്ബോൾ ടൂർണമെന്റ്‌ സമാപിച്ചു. അണ്ടർ 14, 17, 19 വിഭാഗങ്ങളിലാണ് മത്സരങ്ങൾ നടന്നത്. അണ്ടർ 14ൽ പാലക്കാട് മുട്ടികുളങ്ങര സെന്റ്‌ ആന്റണീസ്, അണ്ടർ 17, 19 ൽ ആറ്റൂർ അറഫാ ഇംഗ്ലീഷ് സ്കൂളും ജേതാക്കളായി. 

ആറ്റൂർ അറഫാ ഇംഗ്ലീഷ് സ്കൂൾ ജനറൽ സെക്രട്ടറി കെ എസ് ഹംസ  ട്രോഫികൾ വിതരണം ചെയ്‌തു. കെ എസ് അബ്ദുള്ള അധ്യക്ഷനായി. പട്ടാമ്പി എം ഇ എസ് ഇന്റർനാഷണൽ സ്കൂൾ മാനേജർ ഐ പി ഷാജി മുഖ്യാതിഥിയായി. 

സിബിഎസ്ഇ സ്കൂൾ ഒബ്സർവർ സിബിൻ എസ് സ്റ്റീഫൻ, സെക്രട്ടറി അബ്ദുൽ ലത്തീഫ്, സ്കൂൾ പ്രിൻസിപ്പൽ വസന്ത മാധവൻ, പ്രധാനാധ്യാപിക സി രമ, പി വി സുലൈമാൻ, പി ആർ ഒ റഷീദ് എന്നിവർ സംസാരിച്ചു.   106 ടീമുകളാണ് 7 ദിവസങ്ങളിലായി നടന്ന മേളയിൽ മാറ്റുരച്ചത്.