ഫാസിസ്റ്റ് വിരുദ്ധ സമ്മേളനം: വി ശിവദാസൻ എംപിക്ക് വെനസ്വേലയിലേക്കുള്ള അനുമതി നിഷേധിച്ച് കേന്ദ്രം

ന്യൂഡൽഹി> വെനസ്വേലയിൽ നടക്കുന്ന വേൾഡ് പാർലമെന്ററി ഫോറത്തിൽ പങ്കെടുക്കാൻ ഡോ. വി ശിവദാസൻ എംപിക്ക് അനുമതി നൽകാതെ കേന്ദ്രസർക്കാർ. യോ​ഗത്തിന് പോകാനുള്ള യാത്രാനുമതി കേന്ദ്ര വിദേശകാര്യ മന്ത്രാലയം നിഷേധിച്ചു.

നവംബർ നാല് മുതൽ ആറ് വരെയായിരുന്നു വേൾഡ് പാർലമെന്ററി ഫോറം. ലോകത്ത് വർദ്ധിച്ചുവരുന്ന ഫാസിസത്തെക്കുറിച്ചുളള ഐക്യമായിരുന്നു ഫോറത്തിലെ പ്രധാന അജണ്ട. എഫ്സിആർ എ ക്ലിയറൻസ് അടക്കം നിയമപരമായി എല്ലാ നടപടിയും സ്വീകരിച്ചിട്ടും പൊളിറ്റിക്കൽ ക്ലിയറൻസ് നൽകാത്തതാണ് ബിജെപിയുടെ ജനാധിപത്യത്തോടുളള അവഗണനയാണെന്ന് വി ശിവദാസൻ എംപി പറഞ്ഞു. യാത്രാനുമതി നിഷേധിച്ചത് ചൂണ്ടിക്കാട്ടി വിദേശകാര്യ മന്ത്രി എസ് ജയശങ്കറിന് കത്തയച്ചതായും അദ്ദേഹം പറഞ്ഞു.