ക്രിസ്റ്റഫർ നോളന്റെ 'ഒഡീസി' യിൽ സൺസ് ഓഫ് അനാർക്കി താരം റയാൻ ഹർസ്ടും

വിഖ്യാത സംവിധായകൻ ക്രിസ്റ്റഫർ നോളന്റെ പുതിയ ചിത്രം ഒഡീസിയുടെ അപ്ഡേറ്റുകൾ സോഷ്യൽ മീഡിയയിൽ ചർച്ചയാകുന്നു. എഫ്എക്സിന്റെ ആക്ഷൻ ഡ്രാമ സൺസ് ഓഫ് അനാർക്കിയിലൂടെ ശ്രദ്ധേയനായ റയാൻ ഹർസ്ട് ചിത്രത്തിന്റെ ഭാ​ഗമാണെന്നാണ് പുതിയ വിവരം. ഹോമറിന്റെ വിഖ്യാത കാവ്യം ഒഡീസിയെ ആസ്പദമാക്കി നോളൻ ഒരുക്കുന്ന ചിത്രമാണ് ദ ഒഡീസി. മാറ്റ് ഡാമനാണ് ഇത്താക്കയിലെ രാജാവായ ഒഡീസിയസായി എത്തുന്നത്.

ടോം ഹോളണ്ട്, ആൻ ഹാത്വേ, സെൻഡായ, റോബർട്ട് പാറ്റിൻസൺ, ലുപിത ന്യോം​ഗോ എന്നിവരും ചിത്രത്തിലുണ്ട്. യൂണിവേഴ്സൽ പിക്ചേഴ്സ് വിതരണം ചെയ്യുന്ന ചിത്രം നോളന്റെ പ്രൊഡക്ഷൻ കമ്പനിയായ സിന്‍കോപ്പിയാണ് നിർമിക്കുന്നത്. നോളന്റെ കരിയറിലെ ചിലവേറിയ ചിത്രമായ ഒഡീസി 2026 ജൂലൈയിൽ റിലീസ് ചെയ്യുമെന്നാണ് കരുതുന്നത്. ഏറ്റവും പുതിയ ഐമാക്സ് ടെക്നോളജി ഉപയോ​ഗിച്ച് നിർമിക്കുന്ന 'മിത്തിക് ആക്ഷൻ എപിക് ചിത്രം' എന്നാണ് യൂണിവേഴ്സൽ പിക്ചേഴ്സ് ഒഡീസിയെ വിശേഷിപ്പിച്ചത്.