ശബ്ദങ്ങളില്ല, വെളിച്ചമില്ല, ആൾക്കൂട്ടമില്ല, ഒടുവിൽ അത് സംഭവിച്ചു; ക‍ൗതുകം നിറച്ച്‌ ​ഗ്രേസിന്റെ വിവാഹ പോസ്റ്റ്‌

തിരുവനന്തപുരം: പുതുതലമുറ ചിത്രങ്ങളിലൂടെ ശ്രദ്ധേയയായ നടി ​ഗ്രേസ് ആന്റണി വിവാഹിതയായി. കുമ്പളങ്ങി നൈറ്റ്സ്, തമാശ, കനകം കാമിനി കലഹം, റോഷാക്ക് എന്നീ സിനിമകളിലൂടെ പ്രേക്ഷകർക്ക്‌ സുപരിചിതയായ ഗ്രേസ് തന്നെയാണ് ഇൻസ്റ്റ​ഗ്രാമിലൂടെ ഇക്കാര്യം പുറത്തുവിട്ടത്.

എന്നാൽ, വരൻ ആരാന്നുള്ള വിവരം പങ്കുവെച്ചിട്ടില്ല. താലിയുടെ ഫോട്ടോയും വരന്റെ തോളിൽ ചാഞ്ഞ് നിൽക്കുന്ന ചിത്രവും മാത്രമാണ് ​പോസ്റ്റിലുള്ളത്‌. 'ശബ്ദങ്ങളില്ല, വെളിച്ചമില്ല, ആൾക്കൂട്ടമില്ല ഒടുവിൽ അത് സംഭവിച്ചു' എന്ന കുറിപ്പോടെയാണ് ഗ്രേസ് വിവാഹചിത്രം ഇൻസ്റ്റാഗ്രാമിൽ പങ്കുവെച്ചത്.

വിവാഹത്തിന് ആശംസകളറിയിച്ച് സിനിമാമേഖലയിലെയും പുറത്തെയും നിരവധി പേരാണ് പോസ്റ്റിൽ കമന്റുകളുമായി എത്തിയത്.