സമരാഭാസത്തിനെതിരെ പ്രതിഷേധം

തലശേരി

കണ്ടക്ടറെ മർദിച്ചതിൽ പ്രതിഷേധിച്ച്​ തലശേരിയിൽ മൂന്നു​ദിവസമായി തുടരുന്ന സമരം അവസാനിച്ചു. സിഐടിയു, ബിഎംഎസ്​ ഉൾപ്പെടെയുള്ള ട്രേഡ്​യൂണിയനുകൾ സമരത്തിൽനിന്ന്​ പിന്മാറിയതോടെ ബസ്സുകൾ ഓടിത്തുടങ്ങി. വിവിധ റൂട്ടുകളിലായി മുപ്പതോളം ബസ്സുകൾ വെള്ളിയാഴ്​ച സർവീസ്​ നടത്തി. വാട്​സ്​ആപ്പിലൂടെയുള്ള സമരാഹ്വാനത്തിൽ തെറ്റിദ്ധരിക്കപ്പെട്ട ഒരു വിഭാഗം ശനിയാഴ്​ചയും ബസ്​ സർവീസ്​ നിർത്തിയത്​ യാത്രക്കാർക്ക്​ പ്രയാസം സൃഷ്​ടിച്ചു. എഎസ്​പി പിബി കിരണിന്റെ സാന്നിധ്യത്തിൽ വെള്ളിയാഴ്​ച ചേർന്ന യൂണിയൻ –ബസ്സുടമസ്ഥ സംഘടനാ പ്രതിനിധികളുടെ യോഗം സമരം അവസാനിപ്പിക്കാൻ തീരുമാനിച്ചതാണ്​. ഇതിനുശേഷമാണ്​ ഒരു വിഭാഗം തൊഴിലാളികൾ വാട്​സ്​ആപ്പിലൂടെ സമരം തുടരാൻ ആഹ്വാനം ചെയ്​തത്​​. സമരം പിൻവലിച്ചെന്ന്​ കരുതി റോഡിലിറങ്ങിയ നിരവധിപ്പേർ ബസ്​ ലഭിക്കാത്തതിനെ തുടർന്ന് മടങ്ങി. പലരും സമാന്തര സർവീസുകളെയാണ്​ ആശ്രയിച്ചത്. പ്രധാനറൂട്ടുകളിലൊന്നും ആവശ്യത്തിന്​​​ ------------ബസുകൾ ഇല്ലാത്തതിനാൽ നിരവധിയാളുകൾ സ്റ്റാൻഡിൽ കുടുങ്ങി​. ​തുടർച്ചയായി ക്ലാസുകൾ നഷ്​ടപ്പെടുന്നതിനാൽ വിദ്യാർഥികളും സമരക്കാരുടെ ധിക്കാരപരമായ നടപടിയിൽ ജനങ്ങളും പ്രതിഷേധത്തിലാണ്​. കെഎസ്​ആർടിസി ബസ്സുകളും ഡിവൈഎഫ്​ഐയുടെ സമാന്തര സർവീസുമാണ്​ ഇതിനിടയിൽ നാടിന്​ ആശ്വാസമായത്​. തിങ്കളാഴ്​ചയാണ്​ ജഗന്നാഥ്​ ബസിലെ കണ്ടക്​ടർ ഇരിങ്ങണ്ണൂരിലെ വിഷ്​ണുവിനെ പെരിങ്ങത്തൂരിൽവച്ച്​ ഒരുസംഘം ആക്രമിച്ചത്​. പ്രതിഷേധ സൂചകമായാണ്​ സംയുക്ത ട്രേഡ്​ യൂണിയൻ നേതൃത്വത്തിൽ തലശേരിയിൽനിന്ന്​ തൊട്ടിൽപ്പാലം, നാദാപുരം, കുറ്റ്യാടി ഭാഗങ്ങളിലേക്കുള്ള​ സർവീസ്​ നിർത്തിവച്ചത്​. ജാമ്യമില്ലാക്കുറ്റം ചുമത്തി കേസെടുക്കുകയും അക്രമി സംഘത്തിലെ രണ്ടുപേരെ പിടിക്കുകയും ചെയ്​തതോടെ ട്രേഡ്​യൂണിയനുകൾ സമരം അവസാനിപ്പിച്ചു. തുടരുന്നത്​
അരാജകവാദികളുടെ 
സമരം യൂണിയനുകളുടെ ആഹ്വാനമില്ലാതെ ബസ്​ തൊഴിലാളി കൂട്ടായ്​മയുടെ പേരിൽ സോഷ്യൽ മീഡിയയിലൂടെയാണ്​ സമര പ്രചാരണം നടക്കുന്നത്. ബസ്​സ്റ്റാൻഡിൽ സമരാനുകൂലികൾ പോസ്റ്ററുകൾ പതിപ്പിച്ചിട്ടുണ്ട്​. പ്രധാനമായും വാട്ട്​സാപ്​ കൂട്ടായ്​മ വഴിയാണ്​ സമരാഹ്വാനം. ഗ്രൂപ്പ്​ അംഗങ്ങളിൽ പലരും മറ്റ്​ മേഖലകളിൽ ജോലിചെയ്യുന്നവരാണ്​. ഗ്രൂപ്പിന്റെ അ​ഡ്​മിൻ അംഗങ്ങളിൽ ചിലർ വിദേശത്തുനിന്നാണ്​ ചരടുവലിക്കുന്നത്​. ഒരുപറ്റം അരാജകവാദികളാണ്​ ജനങ്ങളെ വെല്ലുവിളിച്ച് -----------------------------------അന്യായമായ പണിമുടക്ക് ---തുടരുന്നത്​.