കാരുമാത്ര ഗവ. യുപി സ്കൂളിന് പുതിയ കെട്ടിടം

വെള്ളാങ്ങല്ലൂർ

കാരുമാത്ര ഗവ. യുപി സ്കൂൾ പുതിയ കെട്ടിടത്തിന്റെ ശിലാസ്ഥാപനവും ശതാബ്ദി ആഘോഷ സമാപനവും വി ആർ സുനിൽകുമാർ എംഎൽഎ ഉദ്‌ഘാടനം ചെയ്‌തു. പഞ്ചായത്ത് പ്രസിഡന്റ്‌ നിഷ ഷാജി അധ്യക്ഷയായി. കിഫ്ബിയിൽ നിന്ന് അനുവദിച്ച 1.30 കോടി രൂപ വിനിയോഗിച്ചാണ് കെട്ടിടം നിർമിക്കുന്നത്. ചരിത്രത്തിൽ പിഎച്ച്ഡി നേടിയ സ്വപ്ന ഗിരീഷിനെയും ശതാബ്ദി ലോഗോ തയ്യാറാക്കിയ സംഗീത അഖിലിനെയും ജില്ലാ പഞ്ചായത്തംഗം പി കെ ഡേവിസ് അനുമോദിച്ചു. ടി കെ ഷറഫുദ്ദീൻ, എം എം മുകേഷ്, നസീമ നാസർ, കെ എൻ ഉണ്ണിക്കൃഷ്ണൻ, പ്രധാനാധ്യാപിക പി സുമ, എസ്എംസി ചെയർമാൻ സി എ നിഷാദ്, പിടിഎ പ്രസിഡന്റ് സബീല ഫൈസൽ, എംപിടിഎ പ്രസിഡന്റ് മാരിയ നിഷാദ്, തങ്കമണി, സി കെ സുന്ദരൻ എന്നിവർ സംസാരിച്ചു. വിവിധ കലാപരിപാടികളും അരങ്ങേറി.