ക്ഷീരസംഗമം സംഘടിപ്പിച്ചു

വാടാനപ്പള്ളി

ക്ഷീര വികസനവകുപ്പ് തളിക്കുളം ബ്ലോക്ക് ക്ഷീര സംഗമം മുരളി പെരുനെല്ലി എംഎൽഎ ഉദ്ഘാടനം ചെയ്തു. തളിക്കുളം ബ്ലോക്ക് പഞ്ചായത്ത് പ്രസിഡന്റ്​ കെ സി പ്രസാദ് അധ്യക്ഷനായി. മൃഗസംരക്ഷണ വകുപ്പ് റിട്ട. ഡെപ്യൂട്ടി ഡയറക്ടർ കെ ബി പ്രഭാകരൻ ക്ലാസെടുത്തു. മിൽമ എറണാകുളം മേഖല യൂണിയൻ ചെയർമാൻ സി എൻ വത്സലൻ പിള്ള, തൃത്തല്ലൂർ ക്ഷീരസംഘം പ്രസിഡന്റ്​ ഗിരീഷ് മാത്തുക്കാട്ടിൽ, പഞ്ചായത്ത് പ്രസിഡന്റുമാരായ എം ആർ ദിനേശൻ, ശാന്തി ഭാസി, പി ഐ സജിത, തൃശൂർ ക്ഷീരവികസനവകുപ്പ് ഡെപ്യൂട്ടി ഡയറക്ടർ ട്രീസ തോമസ്, തളിക്കുളം ക്ഷീരവികസന ഓഫീസർ ടി ജി ഷീല എന്നിവർ സംസാരിച്ചു. പാലുൽപ്പന്ന നിർമാണം, വിദ്യാർഥികൾക്കായി ഡയറി ക്വിസ്, ചിത്രരചന, ഉപന്യാസ മത്സരങ്ങൾ, കന്നുകാലി പ്രദർശനം എന്നീ പരിപാടികളും സംഘടിപ്പിച്ചിരുന്നു.