വൈദ്യുതി സുരക്ഷ ജാഗ്രതാ സമിതി രൂപീകരിച്ചു

പുതുക്കാട്

വൈദ്യുതി അപകടങ്ങൾ കുറയ്ക്കുന്നതിനാവശ്യമായ നടപടികൾ വിലയിരുത്തുന്നതിനും തുടർനടപടികൾക്കുമായി പുതുക്കാട് മണ്ഡലം വൈദ്യുതി സുരക്ഷാ ജാഗ്രതാ സമിതി രൂപീകരിച്ചു. കെ കെ രാമചന്ദ്രൻ എംഎൽഎ ചെയർമാനായും കെഎസ്ഇബി ചാലക്കുടി എക്സിക്യൂട്ടീവ് എൻജിനിയർ ഷീജ ജോസ് കൺവീനറുമായി രൂപീകരിച്ച സമിതിയിൽ മണ്ഡലത്തിലെ -ബ്ലോക്ക് പഞ്ചായത്ത്, പഞ്ചായത്ത്‌ പ്രസിഡന്റുമാർ, തഹസിൽദാർമാർ, വനംവകുപ്പ് ഉദ്യോഗസ്ഥർ, കെഎസ്ഇബി ഉദ്യോഗസ്ഥർ, വിദ്യാഭ്യാസവകുപ്പ് ഉദ്യോഗസ്ഥർ തുടങ്ങിയവർ അംഗങ്ങളാകും. വൈദ്യുതി അപകടങ്ങൾ കുറയ്ക്കുന്നതിനാവശ്യമായ അവബോധം സൃഷ്ടിക്കുന്നതിനും നടപടികൾ സ്വീകരിക്കുന്നതിനും ജാഗ്രതാ സമിതി നേതൃത്വം നൽകും.