കുട്ടിയാന 
പടുതാക്കുളത്തിൽ വീണു

അടിമാലി

തുമ്പിപ്പാറകുടിയിൽ കുട്ടിയാന പടുതാക്കുളത്തിൽ വീണു. ചൊവ്വ രാവിലെയാണ് പ്രദേശത്തെ കൃഷിയിത്തിലെ കുളത്തിൽ കുട്ടിയാന വീണത്. ഏറെ നേരത്തെ പരിശ്രമത്തിന്ശേഷം തനിയെ കരക്ക് കയറിപ്പോയി. ആഴ്ചകളായി ഈ പ്രദേശത്ത് കാട്ടാനശല്യം രൂക്ഷമാണ്. നിരവധി കർഷകരുടെ കൃഷികൾ ഇതിനകം കാട്ടാനക്കൂട്ടം നശിപ്പിച്ചിട്ടുണ്ട്. ലക്ഷങ്ങളുടെ നഷ്ടമാണ് കർഷകർക്കുണ്ടായിട്ടുള്ളത്. കുട്ടിയാനയോടൊപ്പം മറ്റ് ആനകളും ജനവാസമേഖലയിലും കൃഷിയിടങ്ങളിലും നിലയുറപ്പിച്ചിരിക്കുകയാണ്.