ഇരുട്ടില്‍ തപ്പി കോൺഗ്രസ്‌

തൊടുപുഴ

ദിവസങ്ങളായി മാരത്തൺ ചർച്ച നടത്തിയിട്ടും ജില്ലാ പഞ്ചായത്ത് ഡിവഷനുകളിലെ സ്ഥാനാർഥിത്വം സംബന്ധിച്ചുള്ള തർക്കം പരിഹരിക്കാനാവാതെ കോൺഗ്രസും യുഡിഎഫും. തർക്കമുള്ള അഞ്ച് ഡിവിഷനിലെ സ്ഥാനാർഥി നിർണയം കെപിസിസിക്ക് വിട്ടിരിക്കുകയാണ്. വെള്ളത്തൂവൽ ഡിവിഷനേച്ചൊല്ലി കോൺഗ്രസും കേരള കോൺഗ്രസും തമ്മില്‍ തർക്കവുമുണ്ട്.

ജില്ലാ പഞ്ചായത്തിലെ 12 ഡിവിഷനിൽ കോൺഗ്രസും അഞ്ചിടത്ത് കേരള കോൺഗ്രസും മത്സരിക്കുമെന്നാണ് ധാരണ. ലീഗിന് സീറ്റ് കിട്ടാനിടയില്ല. ഏഴ് കോൺഗ്രസ് സ്ഥാനാര്‍ഥികളെ കോൺഗ്രസ് ബുധനാഴ്ച പ്രഖ്യാപിച്ചു. പൈനാവ്, കരിമണ്ണൂർ, ഉപ്പുതറ, വെള്ളത്തൂവൽ, അടിമാലി ഡിവിഷനുകളിൽ സ്ഥാനാർഥിത്വം അവകാശപ്പെട്ട് ഒന്നിലേറെപ്പേരും വിവിധ ഗ്രൂപ്പുകളും രംഗത്തുണ്ട്. മൂന്ന് ദിവസമായി നീണ്ട ചർച്ചകൾ നടത്തിയിട്ടും തർക്കം പരിഹരിച്ച് തീരുമാനമെടുക്കാൻ സാധിച്ചിട്ടില്ല.