ജില്ലാ കോടതിപ്പാലം 
പൊളിക്കുന്നതിന്​ ജോലികൾ തുടങ്ങി

ആലപ്പുഴ

ജില്ലാ കോടതിപ്പാലം പൊളിക്കുന്നതിന്​ മുന്നോടിയായുള്ള ജോലികൾ തുടങ്ങി. പാലത്തിന്റെ വടക്കുഭാഗത്ത്​ റോഡിലും മറ്റ്​ വശങ്ങളിലും പൈലിങ്​ ആരംഭിച്ചു. തുടർന്ന്​ പാലത്തിന്റെ വശങ്ങൾ പൂർണമായും അടയ്​ക്കും. തുടർന്നായിരിക്കും പൊളിക്കൽ. പാലം നിർമാണത്തിന്റെ ഭാഗമായി ഏർപ്പെടുത്തിയ ഗതാഗതനിയന്ത്രണം തുടരുകയാണ്​. വ്യാപാരികളും മറ്റും ബുദ്ധിമുട്ട്​ അറിയിച്ചതിനെ തുടർന്ന്​ കഴിഞ്ഞദിവസം വൈഎംസിഎ മുതൽ ഒ‍ൗട്ട്​പോസ്​റ്റ്​ വരെ നാല്​ മീറ്റർ വീതിയിൽ ഗതാഗതം അനുവദിച്ചിരുന്നു. മുല്ലയ്​ക്കൽ ഭാഗത്തേക്ക്​ പ്രവേശനം നിയന്ത്രിച്ച്​ സ്ഥാപിച്ചിരുന്ന ബാരിക്കേഡുകളിൽ ഒരെണ്ണം മാറ്റി. ഗതാഗത നിയന്ത്രണത്തിനായി ട്രാഫിക്​ വാർഡൻമാരെ നിയമിക്കാനുള്ള പ്രവർത്തനങ്ങളും പുരോഗമിക്കുന്നു.