എംഡിഎംഎയും കഞ്ചാവുമായി 
2 യുവാക്കൾ പിടിയിൽ

കായംകുളം

കായംകുളത്ത് എംഡിഎംഎയും കഞ്ചാവുമായി രണ്ട് യുവാക്കൾ പിടിയിലായി. എരുവ തെക്കുമുറിയിൽ കളീക്കൽ പടീറ്റതിൽ അധ്വൈത് (അക്കു– 18), തട്ടശേരിൽ ആദിത്യൻ (20) എന്നിവരെയാണ് എക്​സൈസ് സംഘം അറസ്റ്റുചെയ്​തത്. കായംകുളം റേഞ്ച് ഇൻസ്​പെക്​ടർ മുഹമ്മദ് മുസ്​തഫയുടെ നേതൃത്വത്തിലുള്ള പട്രോളിങ്​ സംഘം കെഎസ്​ആർടിസി ബസ്​ സ്റ്റാൻഡിന് സമീപത്തെ കനിസകടവ് പാലത്തിൽനിന്നാണ് ഇവരെ പിടികൂടിയത്. ഇവരിൽനിന്ന്​ 0.56 ഗ്രാം എംഡിഎംഎയും അഞ്ച്​ ഗ്രാം കഞ്ചാവും കണ്ടെത്തി.എറണാകുളത്തുനിന്ന്​ എംഡിഎംഎ ഇറക്കുമതിചെയ്​ത്​ കായംകുളം കേന്ദ്രീകരിച്ച് വിൽപ്പന നടത്തുന്നയാളാണ് അക്കു. ഇയാളുടെ ഇടനിലക്കാരെയും ഉപഭോക്താക്കളെയും പറ്റി വിവരങ്ങൾ എക്​സൈസിന് ലഭ്യമായിട്ടുണ്ട്. സൈബർ സെല്ലിന്റെ സഹായത്തോടെയായിരുന്നു അറസ്റ്റ്​.