4 മാസമായിട്ടും കേന്ദ്രീയ വിദ്യാലയങ്ങളിൽ പാഠപുസ്​തകമില്ല

കാർത്തികപ്പള്ളി

കേന്ദ്രീയ വിദ്യാലയങ്ങളിൽ അധ്യയനം ആരംഭിച്ച് നാല് മാസമായിട്ടും വിദ്യാർഥികൾക്ക് പാഠപുസ്തകങ്ങൾ ലഭ്യമാക്കാത്തതിൽ പ്രതിഷേധിച്ച് എസ്എഫ്ഐ ജില്ലാ കമ്മിറ്റി ചേപ്പാട് എൻടിപിസി കേന്ദ്രീയ വിദ്യാലയത്തിലേക്ക് മാർച്ച്‌ നടത്തി. ജില്ല സെക്രട്ടറി വൈഭവ് ചാക്കോ ഉദ്ഘാടനം ചെയ്തു. ജില്ല വൈസ് പ്രസിഡന്റ് എ അനന്തു അധ്യക്ഷനായി. ജില്ല വൈസ് പ്രസിഡന്റ് അജിത്​ ലാൽ, ജില്ല സെക്രട്ടറിയറ്റംഗങ്ങളായ എസ് മഹേഷ്, നൗഫൽ ഷാജി, കാർത്തികപ്പള്ളി ഏരിയ പ്രസിഡന്റ് യു അഭിജിത്ത്, സെക്രട്ടറി എസ് ആഷിക്ക്, ജില്ല കമ്മിറ്റിയംഗങ്ങളായ ആതിര, എസ് ടി അഖിൽ, അഭിഷേക്, സുൾഫിക്കർ എന്നിവർ സംസാരിച്ചു.