വൈദ്യുതി മേഖലയിലെ ജീവനക്കാരുടെ പ്രശ്നങ്ങൾ പരിഹരിക്കണം

ആലപ്പുഴ

വൈദ്യുതി വിതരണ മേഖലയിലെ ജീവനക്കാർ അഭിമുഖീകരിക്കുന്ന പ്രശ്നങ്ങൾക്ക് പരിഹാരം കാണണമെന്ന് കെഎസ്ഇബി ഓഫീസേഴ്സ് അസോസിയേഷൻ ജില്ലാ സമ്മേളനം ആവശ്യപ്പെട്ടു. പ്രകൃതിക്ഷോഭം മൂലമുള്ള നാശനഷ-്​ടങ്ങൾ ഒഴിവാക്കുക, വൈദ്യുതി വിതരണത്തിലെ പ്രശ്നങ്ങൾ പരിഹരിക്കുക, ജില്ലയിലെ പ്രസരണശൃംഖല ശക്തിപ്പെടുത്തുകഎന്നീ ആവശ്യങ്ങളും സമ്മേളനം ഉന്നയിച്ചു. കെഎസ്ഇബി ഓഫീസേഴ്സ് അസോസിയേഷൻ സംസ്ഥാന പ്രസിഡന്റ് കെ ഇന്ദിര ഉദ്ഘാടനംചെയ-്​തു. ജില്ലാ വൈസ-്​പ്രസിഡന്റ്​ ജി ശ്രീകുമാർ അധ്യക്ഷനായി. ജില്ലാ കമ്മിറ്റിയംഗങ്ങളായ ജി ഷൺമുഖദാസ് രക്തസാക്ഷിപ്രമേയവും പി പ്രതീഷ് അനുശോചനപ്രമേയവും കേന്ദ്ര എക്​ക്യൂട്ടീവംഗം സി എസ് സുനിൽ സംഘടനാ റിപ്പോർട്ടും, ജില്ലാ സെക്രട്ടറി പി സുജിത-്​കുമാർ പ്രവർത്തന റിപ്പോർട്ടും ട്രഷറർ ബി അരുൺ വരവുചെലവു കണക്കും കെ രജിത വനിതാ സബ് കമ്മിറ്റി റിപ്പോർട്ടും കേന്ദ്രകമ്മറ്റിയംഗം എം ടി മനോജ്​ ക്രഡൻഷ്യൽ റിപ്പോർട്ടും അവതരിപ്പിച്ചു. സംസ്ഥാന ജോയിന്റ്​ സെക്രട്ടറി പി ടി പ്രകാശ്കുമാർ, കെഎസ്ഇബി വർക്കേഴ്സ് അസോസിയേഷൻ സംസ്ഥാന വൈസ്​പ്രസിഡന്റ കെ രഘുനാഥ്, കേരളാ വാട്ടർ അതോറിറ്റി ഓഫീസേഴ്സ് അസോസിയേഷൻ സംസ്ഥാന സെക്രട്ടറി ഷിഹാബുദ്ദീൻ, സംഘടനയുടെ സെൻട്രൽ സോണൽ സെക്രട്ടറി ഡോ. എൻ നന്ദകുമാർ, ജില്ലാ ഓർഗനൈസിങ്​ സെക്രട്ടറി എസ് സുനിൽകുമാർ, കേന്ദ്രകമ്മിറ്റിയംഗം സിന്ധു രാമകൃഷ-്​ണൻ എന്നിവർ സംസാരിച്ചു. അസോസിയേഷൻ ജില്ലാ കമ്മിറ്റി സംഘടിപ്പിച്ച സംസ്ഥാനതല ഓൺലൈൻ ക്വിസ്​മത്സരത്തിലെ വിജയികൾക്ക് പുരസ-്​കാരങ്ങൾ സമ്മാനിച്ചു. ​ വിരമിച്ച സംഘടനാംഗങ്ങൾക്ക് യാത്രയയപ്പ് നൽകി. ഇവരെ പ്രതിനിധീകരിച്ച് എസ് നഹാസ്, വി എൻ ജയചന്ദ്രൻ എന്നിവർ സംസാരിച്ചു. ഭാരവാഹികളായി പി എസ് സാനിഷ് (പ്രസിഡന്റ്​), ടി എം ശ്യാംമോഹൻ (സെക്രട്ടറി), എസ് ശ്യാമള ( ട്രഷറർ), കെ രജിത ( വർക്കിങ്​ പ്രസിഡന്റ്), ബി രാജേഷ്ബാബു ( ഓർഗനൈസിങ് സെക്രട്ടറി) എന്നിവരെ തെരഞ്ഞെടുത്തു.