സഹോദയ 
യുവജനോത്സവം:ഹോളി ട്രിനിറ്റിക്ക്‌ രണ്ടാംസ്ഥാനം

കാർത്തികപ്പള്ളി

ആലപ്പുഴ–പത്തനംതിട്ട സഹോദയ ജില്ലാ യുവജനോത്സവത്തിൽ കാർത്തികപ്പള്ളി ഹോളി ട്രിനിറ്റി വിദ്യാഭവന്‌ 874 പോയിന്റുകളോടെ രണ്ടാം സ്ഥാനം. ചെങ്ങന്നൂർ സെന്റ് ഗ്രിഗോറിയോസ് സ്‌കൂളിൽ നടന്ന മത്സരങ്ങളിൽ കാറ്റഗറി 4 വിഭാഗത്തിൽ ഒന്നാംസ്ഥാനം, കാറ്റഗറി 2, 3 വിഭാഗങ്ങൾക്ക് ഒന്നാം റണ്ണറപ്പും, കാറ്റഗറി 1-ൽ രണ്ടാം റണ്ണറപ്പും സ്ഥാനങ്ങൾ നേടി. വിവിധ ഗ്രൂപ്പ് മത്സരങ്ങളിലും മികവ്. മൈം, തിരുവാതിര, കാറ്റഗറി 4 പവർപോയിന്റ് പ്രസന്റേഷൻ എന്നിവയിൽ എ ഗ്രേഡോടെ ഒന്നാംസ്ഥാനം നേടി. ഒപ്പനയിൽ എ ഗ്രേഡോടെ രണ്ടാംസ്ഥാനം നേടി. കാറ്റഗറി 2 സംഘനൃത്തം എ ഗ്രേഡോടെ മൂന്നാംസ്ഥാനവും കാറ്റഗറി 3 സംഘനൃത്തം എ ഗ്രേഡും നേടി. വ്യക്തിഗത മത്സരങ്ങളിൽ ട്രിനിറ്റിയിലെ കുട്ടികൾ 33 ഒന്നാം സ്ഥാനവും, 18 രണ്ടാംസ്ഥാനവും 19 തേഡ് പ്രൈസും നേടിയാണ്‌ 874 പോയിന്റ്‌ നേടിയത്‌. മാർഗനിർദേശം നൽകിയ അധ്യാപകരെയും പിന്തുണച്ച രക്ഷിതാക്കളെയും സ്‌കൂൾ ഭരണസമിതിയെയും പ്രിൻസിപ്പൽ ലത ബി നായർ അഭിനന്ദിച്ചു.