എൽഐസി ഏജന്റുമാരുടെ
വെട്ടിക്കുറച്ച കമീഷൻ പുനഃസ്ഥാപിക്കുക

ആലപ്പുഴ ​

എൽഐസി ഏജന്റുമാരുടെ വെട്ടിക്കുറച്ച കമീഷൻ പുനസ്ഥാപിക്കണമെന്ന് എൽഐസി ഏജന്റ്​സ്​ ഓർഗനൈസേഷൻ ഓഫ് ഇന്ത്യ (സിഐടിയു) ജില്ലാ കൺവൻഷൻ ആവശ്യപ്പെട്ടു. എൽഐസിയുടെ രൂപീകരണം മുതൽ 68 വർഷമായി തുടർന്നുവന്ന കമ്മീഷനാണ് അകാരണമായി മാനേജ്മെന്റ്​ വെട്ടിക്കുറച്ചത്​. എൽഐസി സ്വകാര്യവൽക്കരിക്കാനുള്ള നീക്കം ഉപേക്ഷിക്കുക, ഏജന്റുമാർക്ക്​ ദോഷകരമാകുന്ന ഓൺലൈൻ ബിസിനസുകൾ നിർത്തലാക്കുക എന്നീ ആവശ്യങ്ങളും സമ്മേളനം പ്രമേയത്തിലൂടെ ഉന്നയിച്ചു. ആലപ്പുഴ കെഎസ്ടിഎ ഹാളിൽ സമ്മേളനം സിഐടിയു ജില്ലാ ജനറൽ സെക്രട്ടറി പി ഗാനകുമാർ ഉദ്ഘാടനംചെയ-്​തു. സംസ്ഥാന കമ്മിറ്റിയംഗം എസ് സനൽകുമാർ അധ്യക്ഷനായി.​ ഓർഗനൈസേഷൻ സംസ്ഥാന സെക്രട്ടറി എം കെ മോഹനൻ സംഘടനാ റിപ്പോർട്ട് അവതരിപ്പിച്ചു. എസ് സനൽകുമാർ രക്തസാക്ഷി പ്രമേയവും കൈനകരി സുരേഷ-്​കുമാർ അനുശോചന പ്രമേയവും അവതരിപ്പിച്ചു. സംസ്ഥാന കമ്മിറ്റിയംഗങ്ങളായ എസ് ബീന, വി സജിമോൻ, പി എൻ ദേവദാസ് എന്നിവർ സംസാരിച്ചു. ഭാരവാഹികൾ: ജി എസ് ഉണ്ണി (പ്രസിഡന്റ്​). കൈനകരി സുരേഷ-്​കുമാർ (സെക്രട്ടറി). ജയശീ പങ്കജ് (ട്രഷറർ). ഹരികുമാരൻ നായർ, ജി ആർ പിള്ള (വൈസ് പ്രസിഡന്റുമാർ). ടി എസ് സിദ്ധാർത്ഥൻ, വി വി ഉദയകുമാർ (ജോയിന്റ്​ സെക്രട്ടറിമാർ).