മഹിളാ അസോ. ഏരിയ ജാഥകള്‍ക്ക് തുടക്കം

മങ്കൊമ്പ്

വർഗീയതയ്ക്കും സാമൂഹിക ജീർണതയ്ക്കുമെതിരെ അഖിലേന്ത്യാ ജനാധിപത്യ മഹിളാ അസോസിയേഷൻ കുട്ടനാട് ഏരിയ കമ്മിറ്റിയുടെ നേതൃത്വത്തിൽ ഏരിയ സെക്രട്ടറി എം വി പ്രിയ ക്യാപ്റ്റനും ഏരിയ പ്രസിഡന്റ് എം കൃഷ-്ണലത ജാഥാ മനേജരുമായ് പ്രചാരണകാൽനടജാഥ ആരംഭിച്ചു. 18 മുതൽ 20 വരെ നടക്കുന്ന ജാഥ വെള്ളി രാവിലെ 10ന് നീലംപേരൂർ ചക്കച്ചംപാക്കയിൽനിന്ന് ആരംഭിച്ചു. മഹിളാ അസോസിയേഷൻ സംസ്ഥാന വൈസ-്പ്രസിഡന്റ് കെ ജി രാജേശ്വരി ഉദ്ഘാടനംചെയ-്തു. സരിത സന്തോഷ് അധ്യക്ഷയായി. സന്ധ്യാമണി ജയകുമാർ, എം ടി ചന്ദ്രൻ, സി കെ പ്രസന്നകുമാർ എന്നിവർ സംസാരിച്ചു. ജാഥ ചതുർഥ്യാകരി ബിനോബാനഗറിൽ സമാപിച്ചു. സ്വീകരണകേന്ദ്രങ്ങളിൽ സംസ്ഥാന കമ്മിറ്റിയംഗം സന്ധ്യരമേശ്, ജയസത്യൻ, ബിജിലി ബേബി എന്നിവർ സംസാരിച്ചു. ശനിയാഴ-്ച ജാഥ രാവിലെ കിടങ്ങറ കൂത്തപ്പള്ളിയിൽനിന്ന് ആരംഭിക്കും. തകഴി വർഗീയതയ്-ക്കും സാമൂഹ്യജീർണതയ്-ക്കും എതിരെ അഖിലേന്ത്യാ ജനാധിപത്യ മഹിളാ അസോസിയേഷൻ തകഴി ഏരിയ കമ്മിറ്റി സംഘടിപ്പിച്ച പ്രചാരണ കാൽനടജാഥ ആരംഭിച്ചു. തകഴിയിൽ ജില്ലാ സെക്രട്ടറി പ്രഭ മധു ഉദ്ഘാടനംചെയ്-തു. തകഴി പഞ്ചായത്ത് അംഗം റീന മതികുമാർ അധ്യക്ഷയായി. ശ്രീലത സ്വാഗതം പറഞ്ഞു. ജാഥ എടത്വയിൽ സമാപിച്ചു. വിവിധ കേന്ദ്രങ്ങളിൽ ടി ജി ജലജകുമാരി, യശോദ സുകുമാരൻ, ഉഷാകുമാരി, ലില്ലി, കമലമ്മ റെജി, രാധ ശശികുമാർ, പുഷ്-പമ്മ എന്നിവർ സംസാരിച്ചു. ശനി രാവിലെ നെടുമുടി പൂപ്പള്ളിയിൽനിന്ന് ആരംഭിച്ച് വൈകിട്ട് മങ്കൊമ്പിൽ സമാപിക്കും. ഏരിയ സെക്രട്ടറി എ എസ് അംബിക ക്യാപ്-റ്റനും പ്രസിഡന്റ് കെ എൽ ബിന്ദു മാനേജരുമായ ജാഥ ഞായറാഴ്-ച കൈനകരി കണ്ടുകൃഷിച്ചിറയിൽ സമാപിക്കും.