ജീവന്‍കാത്തത് വി എസ്

ആലപ്പുഴ

"എന്റെ ജീവൻ രക്ഷിച്ച വി എസ് എനിക്ക് അച്ഛനെപ്പോലെയാണ്​. വി എസ് ഇല്ലായിരുന്നെങ്കിൽ വർഷങ്ങൾക്ക് മുമ്പേ ഞാനും ഓർമയാകുമായിരുന്നു. ചെത്തുതൊഴിലാളിയായിരുന്ന പാതിരപ്പള്ളി വെളിയിൽ വി കെ സുധാകരന്​ വി എസിനെ ഓർക്കുമ്പോൾ കണ്ഠമിടറുന്നു. വി എസിന് അന്ത്യോപചാരം അർപ്പിക്കാൻ റിക്രിയേഷൻ ഗ്രൗണ്ടിൽ എത്തിയതായിരുന്നു സുധാകരൻ. ജോലിക്കിടയിൽ 1990ലായിരുന്നു തെങ്ങിൽനിന്നുവീണ് ഗുരുതരമായി പരിക്കേറ്റത്. ആലപ്പുഴ മെഡിക്കൽ കോളേജ് ആശുപത്രിയിൽ കുറച്ചുദിവസം ചികിത്​സിച്ചെങ്കിലും കഴുത്ത്​ അനക്കാൻ കഴിയാത്ത സ്ഥിതിയായിരുന്നു ചികിത്​സിച്ച ഡോക-്​ടർ പറഞ്ഞത് വെല്ലൂർ ആശുപത്രിയിൽ പോയി ചികിത്​സിച്ചാലേ മാറ്റമുണ്ടാകൂ എന്നായിരുന്നു. വിവരം അറിഞ്ഞ വി എസ് ഉടനേ ഡോക-്​ടറുമായി സംസാരിച്ചു. തുടർന്ന് തിരുവനന്തപുരം ആയുർവേദ കോളേജ് ആശുപത്രിയിൽ ചികിത്​സിക്കാനുള്ള എല്ലാ സൗകര്യവും "സഖാവുതന്നെ' ഏർപ്പാടാക്കി. അവിടത്തെ ചികിത്​സയിൽ ഞാൻ സാധാരണനിലയിൽ എത്തുകയും തുടർന്ന്​ ജോലിക്ക്​ പോകാനും തുടങ്ങി. 2010 ജൂലൈയിൽ ഹൃദയാഘാതമുണ്ടായി അനന്തപുരി ആശുപത്രിയിൽ എത്തിച്ചപ്പോഴും രക്ഷകനായി വി എസ്​ എത്തി. ഉടനെ സർജറി വേണമെന്നും ഇവിടെ മറ്റ്​ സർജറികൾ തീരുമാനിച്ചിരിക്കുന്നതിനാൽ മറ്റെവിടെയെങ്കിലും കൊണ്ടുപോകാനുമായിരുന്നു ഡോക-്​ടർ ബന്ധുക്കളോട് പറഞ്ഞത്. ഉടനെ വി എസിനെ വിവരം അറിയിച്ചു. വി എസിന്റെ ഇടപെടലിൽ അടിയന്തരമായി അവിടെത്തന്നെ സർജറിയും നടന്നു. ഇന്ന് ഞാൻ ജീവനോടെയിരിക്കുന്നതിന്​ കാരണംതന്നെ വി എസാണ്​; സുധാകരൻ പറഞ്ഞു.