കലാസാഹിത്യവേദി ഉദ്ഘാടനം

കണിച്ചുകുളങ്ങര

ചേർത്തല വിദ്യാഭ്യാസ ഉപജില്ലയിലെ വിദ്യാരംഗം കലാസാഹിത്യവേദി കണിച്ചുകുളങ്ങര ഗേൾസ് ഹൈസ്‌കൂളിൽ ബാലസാഹിത്യകാരി വി വി ഗിരിജ ഉദ്ഘാടനംചെയ്​തു. ഓട്ടൻതുള്ളൽ കലാകാരൻ മരുത്തോർവട്ടം കണ്ണൻ തുള്ളൽ ശിൽപ്പശാല നയിച്ചു. ചേർത്തല ഉപജില്ലാ വിദ്യാഭ്യാസ ഓഫീസർ എൽ ജയലക്ഷ്‌മി അധ്യക്ഷയായി. ഫെസ്​റ്റിവൽ കമ്മിറ്റി കൺവീനർ വി വിജു സ്വാഗതവും വിദ്യാരംഗം ഉപജില്ലാ കൺവീനർ ജോത്സന സിറിയക് നന്ദിയും പറഞ്ഞു. പഞ്ചായത്ത് അംഗം മിനിമോൾ സൂര്യത്ത്, സ്​കൂൾ മാനേജർ ടി പ്രസന്നകുമാർ, പി എസ് ബിജി, സി സതീഷ്, കെ ഗിരീഷ് കമ്മത്ത്, രജനി രവീന്ദ്രൻ, എം അജിത, കെ പി ഷീബ, എസ് സുജിഷ, വി സന്തോഷ്, എസ് അലോഷ്യസ്, ജ്യോത്സന സിറിയക് തുടങ്ങിയവർ സംസാരിച്ചു.