വയലാറിന് സഹൃദയരുടെ ഓർമപ്പൂക്കൾ

ചേര്‍ത്തല
അനശ്വരകവി വയലാർ രാമവർമയുടെ അമരസ്മരണ തുടിക്കുന്ന രാഘവപ്പറമ്പിൽ സഹൃദയ സമൂഹം തീർഥാടകരെപ്പോലെത്തി ഓർമപ്പൂക്കൾ അർപ്പിച്ചു. കവിയുടെ വേർപാടിന്റെ 50-ാം വാര്‍ഷികദിനത്തില്‍ തോരാത്ത മഴയെയും അവഗണിച്ചാണ് കുട്ടികളും മുതിർന്നവരും ഉൾപ്പടെ എത്തിയത്. ​ വയലാറിന്റെ ഭാര്യ ഭാരതി തമ്പുരാട്ടിയും മക്കളായ ശരച്ചന്ദ്രവര്‍മയും ഇന്ദുലേഖയും യമുനയും മറ്റ് കുടുംബാംഗങ്ങളും സ്മൃതിമണ്ഡപത്തിൽ പുഷ്പാര്‍ച്ചന നടത്തി. വയലാര്‍ രാമവര്‍മ മെമ്മോറിയല്‍ ഗവ. എച്ച്എസ്എസിലെയും വയലാര്‍ ലിറ്റില്‍ഫ്ലവര്‍ എല്‍പി സ്‌കൂളിലെയും കുട്ടികൾ പുഷ്പാര്‍ച്ചന നടത്തി.​