വികസനസദസ് ജനാധിപത്യത്തിന്റെ പുതുമുഖം: മന്ത്രി പി പ്രസാദ്‌
ചേർത്തല നഗരസഭ വികസനസദസും തൊഴിൽമേളയും മന്ത്രി പി പ്രസാദ്‌ ഉദ്‌ഘാടനംചെയ്യുന്നു
ചേര്‍ത്തല
ജനാധിപത്യത്തിന്റെ പുതിയ മുഖമാണ് സര്‍ക്കാര്‍ ജനങ്ങള്‍ക്ക് മുന്നില്‍ വികസനസദസിലൂടെ അവതരിപ്പിക്കുന്നതെന്ന് മന്ത്രി പി പ്രസാദ്‌ പറഞ്ഞു. നഗരസഭയുടെ വികസനസദസും തൊഴില്‍മേളയും ടൗണ്‍ഹാളില്‍ ഉദ്ഘാടനംചെയ്യുകയായിരുന്നു അദ്ദേഹം. നഗരസഭ സംസ്ഥാനത്തിന്‌ മാതൃകയായ നിരവധി പദ്ധതികൾ നടപ്പാക്കിയെന്നും അദ്ദേഹം പറഞ്ഞു. കഞ്ഞിക്കുഴി ബിഡിഒ സി വി സുനില്‍ സംസ്ഥാന സര്‍ക്കാരിന്റെ വികസന– ക്ഷേമ പ്രവര്‍ത്തനങ്ങളും നഗരസഭ സെക്രട്ടറി ടി കെ സുജിത്ത് നഗരസഭയുടെ പ്രോഗ്രസ് റിപ്പോര്‍ട്ടും അവതരിപ്പിച്ചു. ചെയര്‍പേഴ്‌സണ്‍ ഷേര്‍ളി ഭാര്‍ഗവന്‍ അധ്യക്ഷയായി. സ്ഥിരംസമിതി അധ്യക്ഷൻ എ എസ് സാബു, ആസൂത്രണസമിതി ഉപാധ്യക്ഷന്‍ സി എൻ ബാബു എന്നിവര്‍ ഓപ്പണ്‍ഫോറം നയിച്ചു. വൈസ്ചെയര്‍മാന്‍ ടി എസ് അജയകുമാര്‍, സ്ഥിരംസമിതി അധ്യക്ഷരായ ജി രഞ്‌ജിത്ത്, ശോഭ ജോഷി, മാധുരി സാബു, ഏലിക്കുട്ടി ജോണ്‍, ക‍ൗൺസിലർമാരായ പി ഉണ്ണികൃഷ്‌ണന്‍, എ അജി, ലിസി ടോമി, ഷീജ സന്തോഷ്, സിഡിഎസ്‌ ചെയർപേഴ്‌സൺ അഡ്വ. പി ജ്യോതിമോള്‍ എന്നിവര്‍ സംസാരിച്ചു. നഗരസഭ നടപ്പാക്കിയ ചേലൊത്ത ചേർത്തല, സേവ്‌ എഎസ്‌ കനാൽ പദ്ധതികൾ മികവുറ്റതായെന്നും തുടർച്ച ഉണ്ടാകണമെന്നും സദസ്‌ അഭിപ്രായപ്പെട്ടു.
Tags
Related News
Dont Miss it
0 comments