വിദ്യാർഥിനികൾക്ക് അനുമോദനം

മാവേലിക്കര

സംസ്ഥാനതല കേരള ഇന്നവേഷൻ ഫെസ്​റ്റിവലിൽ നടത്തിയ ടിങ്കറിങ് ഫെസ്റ്റിൽ ജില്ലയെ പ്രതിനിധീകരിച്ച് പങ്കെടുത്ത മാവേലിക്കര ഗവ. ഗേൾസ് എച്ച്എസ്എസിലെ അഞ്ച് വിദ്യാർഥിനികളെ അനുമോദിച്ചു. എം എസ് അരുൺകുമാർ എംഎൽഎ ഉദ്ഘാടനം ചെയ്​തു. ടിങ്കറിങ് ലാബ് പരിശീലകൻ പ്രവീൺ പദ്ധതി വിശദീകരിച്ചു. പ്രിൻസിപ്പൽ ഡോ. ജി മുകുന്ദൻനായർ, പിടിഎ പ്രസിഡന്റ് എസ് അഷ്റഫ്, ബിപിസി സി ജ്യോതികുമാർ, പ്രഥമാധ്യാപിക അനിത എന്നിവർ സംസാരിച്ചു. ജില്ലയിൽ നിന്ന് സമർപ്പിച്ച 82 ​പ്രോജക്​ടിൽ ​മാവേലിക്കര ഗവ. ഗേൾസ്​ എച്ച്​എസ്എസിന്റെ പ്രോജക്​ട്​ തെരഞ്ഞെടുത്തത്​​. ദുരന്തബാധിത പ്രദേശമായ കുട്ടനാട് അഭിമുഖീകരിക്കുന്ന വെള്ളപ്പൊക്കത്തെ അതിജീവിക്കാനാവശ്യമായ സാങ്കേതികവിദ്യയാണ് വിദ്യാർഥിനികൾ വികസിപ്പിച്ചത്.