തകിടിയിൽ മീനത്ത് മൂലയിൽ റോഡ് തുറന്നു

ഹരിപ്പാട്

തൃക്കുന്നപ്പുഴ പഞ്ചായത്ത് രണ്ടാം വാർഡിൽ നിർമിച്ച തകിടിയിൽ മീനത്ത് മൂലയിൽ റോഡ് ജില്ലാ പഞ്ചായത്ത് സ്ഥിരംസമിതി അധ്യക്ഷൻ ടി എസ് താഹ ഉദ്ഘാടനംചെയ്‌തു. പഞ്ചായത്ത് പ്രസിഡന്റ് എസ് വിനോദ് കുമാർ അധ്യക്ഷനായി. ​ബ്ലോക്ക് പഞ്ചായത്ത് പ്രസിഡന്റ് രുഗ്‌മിണി രാജു, വിഇഒ ടി എസ് അരുൺ, സുനു ശ്രീധരൻ, ശാലിനി അനിരുദ്ധൻ എന്നിവർ പങ്കെടുത്തു. പഞ്ചായത്ത് അംഗം ജെ മായ സ്വാഗതംപറഞ്ഞു. ​ഗ്രാമ–ബ്ലോക്ക്–ജില്ലാ പഞ്ചായത്തുകളുടെ സംയുക്തപദ്ധതിയായി 16 ലക്ഷം രൂപ ചെലവഴിച്ചാണ്‌ റോഡ് നിർമാണം.