ആര്യാട് നോർത്ത് സ്കൂളിൽ 
നവീകരിച്ച ഭക്ഷണശാല തുറന്നു

മണ്ണഞ്ചേരി

ആര്യാട് നോർത്ത് ഗവ. യുപി സ്കൂളിൽ നവീകരിച്ച ഭക്ഷണശാല തുറന്നു. പ്ലാൻ ഫണ്ട് ഉപയോഗിച്ച് നിർമിച്ച ഭക്ഷണശാലയിൽ ഒരേസമയം നൂറോളം കുട്ടികൾക്ക് ഇരിക്കാൻ സൗകര്യമുണ്ട്. ​പി പി ചിത്തരഞ്ജൻ എംഎൽഎ ഉദ്ഘാടനംചെയ്‌തു. പി ടി എ പ്രസിഡന്റ് എം രാജേഷ് അധ്യക്ഷനായി. ജില്ലാ പഞ്ചായത്തംഗം ആർ റിയാസ്, ബ്ലോക്ക് പഞ്ചായത്തംഗം ടി കെ ശരവണൻ, പഞ്ചായത്തംഗങ്ങളായ ആർ രാജേഷ്, വിഷ്ണു, എംപി ടി എ പ്രസിഡന്റ് എസ് ഷീനാ ദേവി, പിടിഎ വൈസ് പ്രസിഡന്റ്‌ പി പ്രവീൺ, പ്രഥമാധ്യാപിക ടി ആർ മിനിമോൾ,സീനിയർ അധ്യാപിക സി പി ബിന്ദു എന്നിവർ സംസാരിച്ചു.