16.17 ലക്ഷവുമായി 
മധുര സ്വദേശി പിടിയിൽ

ചിറ്റൂർ

മധുരയിൽനിന്ന് പാലക്കാട്ടേക്കുള്ള കെഎസ്ആർടിസി ബസിലെ യാത്രക്കാരനിൽനിന്ന്​ രേഖകളില്ലാതെ ബാഗിൽ സൂക്ഷിച്ച 16,17,000 രൂപ പിടിച്ചെടുത്തു. മധുര സ്വദേശി വാസുദേവനാണ്​ പണവുമായി പിടിയിലായത്​. തമിഴ്നാട് അതിർത്തിയിൽ ഗോപാലപുരം ചെക്ക്പോസ്റ്റിൽ കൊഴിഞ്ഞാമ്പാറ പൊലീസും പാലക്കാട് ജില്ലാ ലഹരി വിരുദ്ധ സ്ക്വാഡും നടത്തിയ വാഹന പരിശോധനയിലാണ്​ പണം കണ്ടെത്തിയത്​. കൊഴിഞ്ഞാമ്പാറ ഇൻസ്പെ‌ക്‌ടർ എം ആർ അരുൺകുമാർ, സിവിൽ പൊലീസ് ഓഫീസർമാരായ ഹരിദാസ്, സുൽഫീക്കർ അലി എന്നിവരും ജില്ലാ ലഹരി വിരുദ്ധ സ്ക്വാഡുമാണ്​ പരിശോധന നടത്തിയത്​.