ഒരു കോടിയുടെ 
ഹാഷിഷുമായി പിടിയിൽ

വാളയാർ

എക്​സൈസ് ചെക്ക് പോസ്റ്റിലെ വാഹന പരിശോധനയിൽ ബസിൽ കടത്തിയ 1.180 കിലോ ഹാഷിഷ് ഓയിലുമായി യുവാവ് പിടിയിൽ. സുൽത്താൻബത്തേരി കുപ്പാടി അനിൽ നിവാസിൽ അജിത്കുമാർ (24) ആണ് പിടിയിലായത്. ഇതിന് ഒരു കോടി രൂപ വിലമതിക്കുമെന്ന് എക്​സൈസ് അറിയിച്ചു. സേലം റെയിൽവേ സ്റ്റേഷനിൽനിന്ന് കണ്ടാലറിയുന്ന ഹിന്ദി സംസാരിക്കുന്നയാളിൽനിന്നാണ് വാങ്ങിയതെന്നും എറണാകുളത്ത് എത്തിച്ചാൽ കൈപ്പറ്റാൻ ഒരാൾ വരുമെന്ന് അറിയിച്ചതായും പ്രതി ചോദ്യം ചെയ്യലിൽ സമ്മതിച്ചു. വാളയാർ എക്​സൈസ് സർക്കിൾ ഇൻസ്‌പെക്ടർ പി രമേഷ്, അസിസ്റ്റന്റ് എക്​സൈസ് ഇൻസ്‌പെക്ടർ കെ റിവർദാസ്, ഗ്രേഡ് അസിസ്​റ്റന്റ്​ ഇൻസ്പെക്ടർമാരായ പി എം മുഹമ്മദ് ഷെരീഫ്, ജി പ്രഭ, എക്​സൈസ് ഉദ്യോഗസ്ഥരായ കെ പി രാജേഷ്, പി എസ് മനോജ്, ആർ ഉണ്ണികൃഷ്ണൻ എന്നിവർ പരിശോധനയിൽ പങ്കെടുത്തു.