സ്കൂളുകൾക്ക്​ 
2,122 റോബോട്ടിക് കിറ്റ്

​ പാലക്കാട്

പത്താം ക്ലാസിലെ മുഴുവന്‍ കുട്ടികൾക്കും റോബോട്ടിക്സ് പഠനവും പ്രായോഗിക പരിശീലനവും നൽകാനായി ജില്ലയിലെ 170 സ്കൂളുകൾക്ക്​ 2,122 റോബോട്ടിക് കിറ്റുകൾ വിതരണം ചെയ്​തു. കേരള ഇന്‍ഫ്രാസ്ട്രക്ചർ ആന്‍ഡ് ടെക്നോളജി ഫോര്‍ എഡ്യൂക്കേഷന്‍ (കൈറ്റ്) ആണ് പദ്ധതി നടപ്പാക്കുന്നത്. പത്താം ക്ലാസിലെ പുതിയ ഐസിടി പഠനത്തിന്റെ ഭാഗമായാണ്​ പദ്ധതി. സർക്യൂട്ടുകളുടെ നിര്‍മാണം, സെന്‍സറുകളുടെയും ആക്​റ്റിവേറ്ററുകളുടെയും ഉപയോഗം, കംപ്യൂട്ടര്‍ പ്രോഗ്രാമിങ്​ വഴി ഇലക്​ട്രോണിക് ഉപകരണങ്ങളുടെ നിയന്ത്രണം എന്നിവയിൽ കുട്ടികൾക്ക്​ പരിശീലനം നൽകും. കിറ്റിലെ വിവിധഘടകങ്ങളുടെ സഹായത്തോടെ ഓട്ടോമാറ്റിക് സാനിറ്റൈസര്‍ ഡിസ്പെന്‍സര്‍, എഐ ഉപയോഗിച്ചുള്ള ഹോം ഓട്ടോമേഷന്‍ സംവിധാനത്തിലൂടെ മുഖംതിരിച്ചറിഞ്ഞ് സ്വയംതുറക്കുന്ന സ്മാര്‍ട്ട് വാതിലുകള്‍ എന്നിവ തയ്യാറാക്കാൻ പരിശീലിപ്പിക്കും​. 860 അധ്യാപകർക്കുള്ള പ്രത്യേക പരിശീലനം ഈ മാസം അവസാനത്തോടെ പൂർത്തിയാകും.