എട്ട് വയസുകാരിയെ പീഡിപ്പിച്ച് കൊലപ്പെടുത്തി; ഒരാൾ അറസ്റ്റിൽ

അസം : അസമിലെ ദിബ്രുഗഡിൽ എട്ടുവയസുകാരിയെ ക്രൂരമായി പീഡിപ്പിച്ച് കൊലപ്പെടുത്തി. സംഭവത്തിൽ ഒരാളെ അറസ്റ്റ് ചെയ്തതായ് നംരൂപ് പൊലീസ് അറിയിച്ചു.

ഞായറാഴ്ച തേയില തോട്ടിൽ വിറക് ശേഖരിക്കുന്നതിനിടെയാണ് എട്ട് വയസുകാരിയെ ആക്രമിച്ചത്. സമീപത്ത് മീൻ പിടിക്കുകയായിരുന്ന പ്രതി പെൺകുട്ടി ഒറ്റയ്ക്ക് വിറക് ശേഖരിക്കുന്നത് കാണുകയും. തേയിലതോട്ടത്തിനുള്ളിലിട്ട് പീഡിപ്പിച്ചതിനു ശേഷം ശ്വാസം മുട്ടിച്ച് കൊല്ലുകയായിരുന്നു. പിന്നീട് പ്രതി മൃതദേഹം അഴുക്കുചാലിൽ ഒളിപ്പിച്ച് വൈക്കോലും പുല്ലും കൊണ്ട് മൂടി. കുട്ടി തിരിച്ചെത്താതിരുന്നപ്പോൾ വീട്ടുകാരും അയൽക്കാരും പൊലീസും ചേർന്ന് നടത്തിയ പരിശോധനയിലാണ് മൃതദേഹം കണ്ടെത്തിയത്.