കേന്ദ്രീയ– നവോദയ വിദ്യാലയങ്ങളിൽ അധ്യാപക- അനധ്യാപക തസ്തികയിൽ അവസരം

കേന്ദ്രീയ വിദ്യാലയ സംഗതൻ (KVS), നവോദയ വിദ്യാലയ സമിതി (NVS) എന്നിവിടങ്ങളിലെ 14,967 അധ്യാപക -അനധ്യാപക തസ്തികകളിലേക്ക് ഇപ്പോൾ അപേക്ഷിക്കാം. സെൻട്രൽ ബോർഡ് ഓഫ് സെക്കൻഡറി എഡ്യുക്കേഷനാണ് (CBSE) നിയമന പ്രക്രിയ നടത്തുന്നത്. അധ്യാപക തസ്തികകൾ: ​പോസ്റ്റ് ഗ്രാജ്വേറ്റ് ടീച്ചർ (PGT), ​ട്രെയിൻഡ് ഗ്രാജ്വേറ്റ് ടീച്ചർ, ​പ്രൈമറി ടീച്ചർ (PRT), ലൈബ്രേറിയൻ, മ്യൂസിക് ടീച്ചർ, ആർട്ട് ടീച്ചർ. അനധ്യാപക തസ്തികകൾ: ​അസിസ്റ്റന്റ് കമീഷണർ, പ്രിൻസിപ്പൽ, വൈസ് പ്രിൻസിപ്പൽ, ജൂനിയർ സെക്രട്ടേറിയറ്റ് അസിസ്റ്റന്റ് (JSA), സീനിയർ സെക്രട്ടേറിയറ്റ് അസിസ്റ്റന്റ് (SSA), അസിസ്റ്റന്റ് സെക്ഷൻ ഓഫീസർ (ASO).

യോഗ്യത: തസ്തികകൾക്ക് അനുസരിച്ച് വ്യത്യസ്തമാണ്. ബിഎഡ്, ബിരുദാനന്തര ബിരുദം, ലൈബ്രറി സയൻസിൽ ബിരുദം എന്നിവയാണ്‌ പ്രധാനപ്പെട്ടവ. പ്രായപരിധിയും തസ്‌തികയ്‌ക്കനുസരിച്ച്‌ വ്യത്യാസമുണ്ട്‌. ​ സംവരണ വിഭാഗങ്ങൾക്ക് നിയമനുസൃത ഇളവുകൾ ലഭിക്കും.യോഗ്യത, 
പ്രായപരിധി, അപേക്ഷാഫീസ്‌ എന്നിവ സംബന്ധിച്ച കൂടുതൽ വിവരങ്ങൾക്ക്‌ ഔദ്യോഗിക വെബ്സൈറ്റായ kvsangathan.nic.in കാണുക. ​

കംപ്യൂട്ടർ അധിഷ്ഠിത എഴുത്തുപരീക്ഷ (CBT) വഴിയായിരിക്കും തെരഞ്ഞെടുപ്പ്. ​ഉയർന്ന തസ്തികകൾക്ക് എഴുത്തുപരീക്ഷ കൂടാതെ അഭിമുഖവും ചില തസ്തികകൾക്ക് സ്കിൽ ടെസ്റ്റും ഉണ്ടാകും. ഓൺലൈൻ അപേക്ഷ സ്വീകരിക്കുന്ന അവസാന തീയതി ഡിസംബർ 4.