അമേരിക്ക മെക്സിക്കാന എന്ന് മാറ്റാം; ട്രംപിനെ കളിയാക്കി ക്ലൗഡിയ ഷെയ്ൻബോം

മെക്സികോ > ‘ഗൾഫ് ഓഫ് മെക്സിക്കോ’യുടെ പേര് ‘ഗൾഫ് ഓഫ് അമേരിക്ക’ എന്നാക്കണമെന്ന് ആഹ്വാനം ചെയ്ത ട്രംപിന് മറുപടിയുമായി മെക്സികോ പ്രസിഡന്റ് ക്ലൗഡിയ ഷെയ്ൻബോം.

നോർത്ത് അമേരിക്കയെ അമേരിക്ക മെക്സിക്കാനയെന്നോ മെക്സിക്കൻ അമേരിക്ക എന്നോ മാറ്റുകയാണ് വേണ്ടതെന്നും 1814 ൽ മെക്സിക്കോ നിലവിൽ വരുമ്പോഴുള്ള രേഖകളിൽ അങ്ങനെയായിരുന്നുവെന്നും വാർത്താ സമ്മേളനത്തിൽ ക്ലൗഡിയ ഷെയ്ൻബോം പറഞ്ഞു. ലോക ഭൂപടത്തിന് മുന്നിൽ നിന്നാണ് മെക്സികൻ പ്രസിഡന്റ് ട്രംപിന് മറുപടി നൽകിയത്.