​ഗാസയിൽ ആക്രമണം തുടർന്ന് ഇസ്രയേൽ: 30 പേർ കൊല്ലപ്പെട്ടു

ഗാസ സിറ്റി : ​ഗാസയിൽ കൂട്ടക്കുരുതി തുടർന്ന് ഇസ്രയേൽ. വ്യാഴം രാത്രിയും വെള്ളി രാവിലെയുമായി നടന്ന ആക്രമണങ്ങളിൽ 30 പേർ കൊല്ലപ്പെട്ടു. മരിച്ചവരിൽ ധാരാളം കുട്ടികൾ ഉൾപ്പെടുന്നുണ്ടെന്ന് ​ഗാസയിലെ ആശുപത്രി അധികൃതർ പറഞ്ഞു.

നുസറേയ്ത്ത്, സവൈദ, മ​ഗസി, ദെയ്ർ അൽ ബല എന്നിവിടങ്ങളിലാണ് ആക്രമണമുണ്ടായത്. ഇതോടെ 24 മണിക്കൂറിനിടെ കൊല്ലപ്പെട്ടവരുടെ എണ്ണം 56 ആയി. വ്യാഴം പുലർച്ചെ മുതൽ ഇസ്രയേൽ തുടരുന്ന വ്യാപക ആക്രമണങ്ങളിൽ ഗാസ പൊലീസ്‌ മേധാവിയടക്കം 63 പേർ കൊല്ലപ്പെട്ടിരുന്നു.