കാവിക്കൊടിയെ ബഹുമാനിക്കുന്ന മുസ്ലിങ്ങൾക്ക് ശാഖയിൽ പ്രവേശിക്കാം: വിചിത്ര പരാമർശവുമായി മോഹൻ ഭാ​ഗവത്

വാരണാസി : ഭാരത് മാതാ കീ ജയ് വിളിക്കുകയും കാവിക്കൊടിയെ ബഹുമാനിക്കുകയും ചെയ്യുന്ന മുസ്ലിങ്ങൾക്ക് ആർഎസ്എസ് ശാഖയിൽ പ്രവേശിക്കാമെന്ന വിചിത്ര വാദവുമായി ആർഎസ്‌എസ്‌ തലവൻ മോഹൻ ഭാഗവത്‌. വാരണാസിയിൽ നടന്ന ആർഎസ്എസ് പരിപാടിക്കിടെയായിരുന്നു മോ​ഹൻ ഭാ​ഗവതിന്റെ വിചിത്ര പരാമർശം. മുസ്ലിം മതവിഭാ​ഗത്തിൽപ്പെട്ടവർക്ക് ശാഖയിലേക്ക് വരാമോ എന്ന ചോദ്യത്തിന് മറുപടിയായാണ് ആർഎസ്എസ് തലവൻ വിചിത്ര വാദം ഉന്നയിച്ചത്.

ആർഎസ്എസ് ശാഖകൾ എല്ലാ വിഭാ​ഗങ്ങൾക്കുമായും തുറന്ന് നൽകപ്പെടും. ഭാരത് മാതാ കീ ജയ് വിളിക്കുകയും ഭ​ഗ്‍വ ജണ്ഡ (കാവിക്കൊടി)യെ ബഹുമാനിക്കുകയും ചെയ്യുന്ന മുസ്ലിങ്ങൾക്കും ശാഖയിലേക്ക് വരാം. എന്നാൽ ഔറം​ഗസേബിന്റെ പിൻ​ഗാമികൾ എന്ന് കരുതുന്നവർക്ക് ശാഖയിലേക്ക് പ്രവേശനമില്ല. ഔറം​ഗസേബിനെ പിന്തുടരുന്നവർക്കൊഴിച്ച് എല്ലാവർക്കും ശാഖയിലേക്ക് സ്വാ​ഗതം എന്നായിരുന്നു ആർഎസ്എസ് തലവന്റെ പ്രസ്താവന.