ന്യൂനപക്ഷങ്ങൾക്ക്‌ നേരെയുള്ള 
കടന്നുകയറ്റം : തരിഗാമി

ന്യൂഡൽഹി

രാജ്യത്തെ മുസ്ലിം ന്യൂനപക്ഷങ്ങളുടെ അവകാശങ്ങൾക്ക്‌ നേരെയുള്ള കടന്നുകയറ്റമാണ്‌ വഖഫ്‌ ഭേദഗതി നിയമമെന്ന്‌ സിപിഐ എം കേന്ദ്രകമ്മിറ്റി അം​ഗം മുഹമ്മദ് യൂസഫ്‌ തരിഗാമി. ജമ്മുകശ്‌മീർ നിയമസഭയിൽ വഖഫ്‌ ബില്ലിൽ ചർച്ച അനുവദിക്കാത്ത സ്പീക്കറുടെ നടപടിയെ കുൽഗാം എംഎൽഎകൂടിയായ തരി​ഗാമി അപലപിച്ചു.

‘എല്ലാ മതങ്ങൾക്കും അവരുടേതായ സ്ഥാപനങ്ങളുണ്ട്‌. എന്നാൽ, ഒരു പ്രത്യേക മതത്തെ മാത്രം ലക്ഷ്യമാക്കിയാണ്‌ വഖഫ്‌ നിയമത്തിൽ വരുത്തിയ ഭേദഗതികൾ. എല്ലാ മതങ്ങൾക്കും അവരുടേതായ സ്ഥാപനങ്ങൾ നടത്താൻ ഭരണഘടന അവകാശം നൽകുന്നുണ്ട്‌. നിയമം ഭരണഘടനാ അവകാശങ്ങൾക്കും ജനാധിപത്യത്തിനും നേരയുള്ള അതിക്രമമാണ്‌’ –- ശ്രീനഗറിൽ പത്രസമ്മേളനത്തിൽ അദ്ദേഹം പറഞ്ഞു.