ചിത്താത്തൂരിലെ ആദ്യ ബിരുദധാരി; ദുരിതങ്ങളോട് പടവെട്ടി നേതൃതലത്തിലേക്ക്

ചണ്ഡീ​ഗഡ്: ദുരിതങ്ങളോട് പടവെട്ടിയാണ് ഡി രാജ സിപിഐയുടെ നേതൃതലത്തിലേക്ക് ഉയർന്നത്. തമിഴ്നാട്ടിലെ വെല്ലൂർ ചിത്താത്തൂർ പാലാർ നദിക്കരയിലെ കുടിലിൽനിന്ന് ത്യാ​ഗനിർഭരമായ പോരാട്ടങ്ങളിലൂടെയാണ് രാജയുടെ വളർച്ച.

ചിത്താത്തൂർ ​ഗ്രാമത്തിൽ കർഷകത്തൊഴിലാളികളായ പി ദൊരൈസ്വാമിയുടെയും നായകത്തിന്റെയും മകനായി 1949 ജൂൺ മൂന്നിനാണ് ജനനം. സ്കൂൾ ലൈബ്രറിയിലെ പുസ്തകങ്ങളിൽനിന്നാണ് റഷ്യൻ വിപ്ലവത്തെയും ലെനിനെയും കുറിച്ച് അറിയുന്നത്. ​ഗുഡിയാട്ടം ജിഡിഎം കോളേജിൽ നിന്ന് ബിരുദം നേടിയ രാജ ചിത്താത്തൂർ ​ഗ്രാമത്തിൽ നിന്നുള്ള ആദ്യ ബിരുദധാരികൂടിയാണ്. പിന്നീട് ബിഎഡും പൂർത്തിയാക്കി.

എഐഎസ്എഫിലൂടെയാണ് രാജ പൊതുരം​ഗത്തെത്തുന്നത്. എഐവൈഎഫ്ഐ തമിഴ്നാട് സംസ്ഥാന സെക്രട്ടറി, അഖിലേന്ത്യാ ജനറൽ സെക്രട്ടറി (1985-90) എന്നീ നിലകളിൽ പ്രവർത്തിച്ചു. 1994ൽ സിപിഐ ദേശീയ സെക്രട്ടറിയായി. 2007ലും 2013ലും രാജ്യസഭയിലെത്തി. ദളിത് ക്രിസ്ത്യൻ, ദ വേ ഫോർവേർഡ്: ഫൈറ്റ് എ​ഗെയ്ൻസ്റ്റ് അൺ എംപ്ലോയ്മെന്റ്, എ ബുക്ക് ലെറ്റർ ഓൺ അൺ എംപ്ലോയ്മെന്റ്- തുടങ്ങിയ പുസ്തകങ്ങൾ എഴുതി.

ദേശീയ എക്സിക്യൂട്ടീവ് അം​ഗം ആനി രാജയാണ് ഭാര്യ. മകൾ എന്‍എഫ്ഐഡബ്ല്യൂ നേതാവ് അപരാജിത രാജ.