കന്യാസ്‌ത്രീകൾക്ക്‌ പിന്തുണയുമായി പി കെ ശ്രീമതിയും സി എസ് സുജാതയും ദുർഗിൽ

ന്യൂഡൽഹി: ഛത്തീസ്​ഗഡിൽ ബിജെപി സർക്കാർ കള്ളക്കേസിൽ കുടുക്കി തടവിലിട്ട സിസ്റ്റർ വന്ദനയ്‌ക്കും സിസ്‌റ്റർ പ്രീതി മേരിക്കും പിന്തുണയുമായി സിപിഐ എം കേന്ദ്രകമ്മിറ്റി അം​ഗങ്ങളായ പി കെ ശ്രീമതിയും സി എസ് സുജാതയും. സിസ്‌റ്റർ വന്ദനയുടെ സഹോദരൻ ജോസഫ്‌ മാത്യുവിനെ ഇരുവരും സന്ദർശിച്ചു. ദുർ​ഗിലെ സെന്റ് വിൻസെന്റ് ഡി പോൾ കാത്തലിക് പള്ളിയിൽ എത്തിയാണ് ജോസഫ് മാത്യുവിനെ നേതാക്കൾ കണ്ടത്. സിസ്റ്റർ വന്ദനയുടെ മോചനത്തിന് എല്ലാവിധ പിന്തുണയും ഉണ്ടാകുമെന്ന് നേതാക്കൾ ഉറപ്പ് നൽകി.

കുടുംബാം​ഗങ്ങളെ എൽഡിഎഫ് എംപിമാരായ ഡോ.ജോൺ ബ്രിട്ടാസും പി സന്തോഷ് കുമാറും ഇന്ന്‌ ദുർഗ്‌ സന്ദർശിക്കും. അതേസമയം കന്യാസ്ത്രീകളുടെ വ്യാപക പ്രതിഷേധം ഉയരുകയാണ്. ​ഗുരുതര വകുപ്പുകൾ ചുമത്തിയാണ് സിസ്റ്റർ വന്ദന ഫ്രാൻസിസിനെയും സിസ്റ്റർ പ്രീതി മേരിയെയും പൊലീസ് ജയിലിലടച്ചത്.