ഇനി ഞാൻ യാമൈ മമത നന്ദഗിരി; ബോളിവുഡ് നടി മമത കുൽക്കർണി സന്യാസം സ്വീകരിച്ചു

ഉത്തർപ്രദേശ് : ബോളിവുഡ് നടിയായ മമത കുൽക്കർണി സന്യാസം സ്വീകരിച്ചു. മഹാകുംഭമേളയിൽ പുണ്യസ്നാനം നടത്തിയ ശേഷം കിന്നർ അഖാഡയു‌‌ടെ സന്യാസദീക്ഷ സ്വീകരിക്കുകയായിരുന്നു. യാമൈ മമത നന്ദഗിരി എന്ന പേരിലാണ് താൻ സന്യാസ ജീവിതം ആരംഭിക്കുന്നതെന്ന് മമത പറഞ്ഞു.

2016 ൽ താനെയിൽനിന്ന് 2,000 കോടി രൂപയുടെ ലഹരിമരുന്ന് പിടികൂടിയ സംഭവത്തിൽ നടിക്കും ഭർത്താവിനും പങ്കുണ്ടെന്ന് കണ്ടെത്തിയിരുന്നു. എന്നാൽ ലഹരിമരുന്ന് കേസ് ബോംബെ ഹൈക്കോടതി കഴിഞ്ഞ ആ​ഗസ്തിൽ റദ്ദാക്കിയിരുന്നു.