ബീഫ് വിളമ്പി; ഹൈദരാബാദിൽ മലയാളി ഹോട്ടൽ ബജ്‍രംഗ്‍ദളുകാർ പൂട്ടിച്ചു

ഹൈദരാബാദ്: ബീഫ് വിളമ്പിയതിന് ഹൈദരാബാദിൽ മലയാളി ഹോട്ടലിന് നേരെ സംഘപരിവാർ ആക്രമണം. ഇഫ്ലു കാമ്പസിന് സമീപം പ്രവർത്തിക്കുന്ന 'ജോഷിയേട്ടൻ തട്ടുകട'യ്ക്ക് നേരെയാണ് ബജ്‍രം​ഗ്‍ദൾ പ്രവർത്തർ ആക്രമണം നടത്തുകയും കട പൂട്ടിക്കുകയും ചെയ്തത്.

24കാരനായ ആൽബിൻ വർ​ഗീസാണ് ഹോട്ടൽ നടത്തുന്നത്. വിദ്യാർഥികളും പ്രദേശവാസികളുമെല്ലാം ഹോട്ടലിൽ പതിവായി എത്താറുണ്ട്. വെള്ളി രാത്രിയോടെ മുപ്പതോളം വരുന്ന ബജ്‍രം​ഗ്‍ദൾ പ്രവർത്തർ കടയിലേക്ക് എത്തി അടുക്കള പരിശോധിച്ചു. ബീഫ് വിളമ്പുന്നു എന്ന് പറഞ്ഞ് ജീവനക്കാരെ അസഭ്യം പറയുകയും ഹോട്ടലിൽ കഴിക്കാനെത്തിയവരെ ഭീഷണിപ്പെടുത്തി എഴുന്നേൽപ്പിച്ച് വിടുകയും ചെയ്തു. തുടർന്നാണ് ബജ്‍രം​ഗ്‍ദളുകാർ ഹോട്ടൽ പൂട്ടിച്ചത്.

ഹോട്ടലുടമകളുടെ പരാതിയിൽ പൊലീസ് കേസെടുത്തിട്ടുണ്ട്.