ഡൽഹിയിൽ വെടിവയ്പ്; ഒരാൾ കൊല്ലപ്പെട്ടു, രണ്ട് പേർക്ക് പരിക്ക്

ന്യൂഡൽഹി > ന്യൂഡൽഹിയിൽ രണ്ട് സംഘങ്ങൾ തമ്മിലുണ്ടായ വെടിവയ്പിൽ ഒരാൾ മരിച്ചു. രണ്ട് പേർക്ക് പരിക്കേറ്റു.  നോർത്ത് ഡൽഹിയിലെ ജഹാം​ഗിർപൂർ ഏരിയയിലാണ് സംഭവം നടന്നത്. ദീപക് ശർമയെന്ന യുവാവാണ് മരിച്ചത്. നരേന്ദ്ര, സൂരജ് എന്നിവർക്കാണ് പരിക്കേറ്റത്.

10 റൗണ്ട് വെടിവെപ്പുണ്ടായതായാണ് ദൃക്‌സാക്ഷികൾ പറയുന്നത്. സംഭവവുമായി ബന്ധപ്പെട്ട് രണ്ട് പേരെ പൊലീസ് അറസ്റ്റ് ചെയ്തിട്ടുണ്ട്.