മഞ്ചേശ്വരത്ത് യുവാവിന് വെടിയേറ്റു; അക്രമിക്കായി തിരച്ചിൽ

കാസർകോട്: കാസർകോട് മഞ്ചേശ്വരം ബാക്രബയലിൽ യുവാവിന് വെടിയേറ്റു. ബാക്രബയലിൽ സ്വദേശി സവാദിന് (22) ആണ് വെടിയേറ്റത്. വെടിയുതിർത്തയാളെ കണ്ടെത്തിയിട്ടില്ല. ഇന്ന് രാത്രി 9.30ഓടെയാണ് സംഭവം.

സവാദ് ബൈക്കിൽ സഞ്ചരിക്കുമ്പോൾ കുറ്റിക്കാട്ടിൽ വെളിച്ചംകണ്ടതിനെ തുടർന്ന് ബൈക്ക് നിർത്തുകയായിരുന്നു. വെളിച്ചമെന്താണെന്ന് നോക്കാൻ കുറ്റിക്കാട്ടിലേക്ക് പോയപ്പോഴാണ് വെടിയേറ്റത്. യുവാവിന്റെ കാലിനാണ് വെടിയേറ്റത്. സവാദിനെ മം​ഗലാപുരത്തെ സ്വകാര്യ ആശുപത്രിയിലേക്ക് കൊണ്ടുപോയി. പരിക്ക് ​ഗുരുതരമല്ല എന്നാണ് വിവരം. പൊലീസ് സ്ഥലത്തെത്തി നടപടികൾ സ്വീകരിച്ചു.