പാലക്കാട് യുവതി മരിച്ച നിലയിൽ; ഭർത്താവ് കസ്റ്റഡിയിൽ

മണ്ണാർക്കാട് : പാലക്കാട് എളമ്പുലാശ്ശേരിയിൽ യുവതിയെ മരിച്ച നിലയിൽ കണ്ടെത്തി. കോട്ടയം സ്വദേശിനിയായ അഞ്ജുമോൾ (24) ആണ് മരിച്ചത്. കുടുംബവഴക്കിനെത്തുടർന്നുള്ള വഴക്കാണ് കൊലയ്ക്ക് കാരണമെന്നാണ് വിവരം. സംഭവത്തിൽ യുവതിയുടെ ഭർത്താവ് വാക്കടപ്പുറം സ്വദേശി യു​ഗേഷിനെ പൊലീസ് കസ്റ്റഡിയിലെടുത്തു. വീടിനു സമീപമുള്ള ക്വാറിയിലാണ് അഞ്ജുവിനെ മരിച്ച നിലയിൽ കണ്ടെത്തിയത്. കഴുത്തിൽ മുറിവേറ്റ ചെറിയ അടയാളമുണ്ട്. വഴക്കിനിടെ അഞ്ജുവിനെ യു​ഗേഷ് കഴുത്തിന് പിടിച്ച് തള്ളിയതാകാമെന്നാണ് പൊലീസിന്റെ പ്രാഥമിക നി​ഗമനം.